Senesi 45:12 - Tosi Tapu

¹² Kua kotou tio mata totonu, ti kua tio mata foki loku taina ko Pesamino, ko au Sosefo, leinei e masau totonu atu kia koutou.

Senesi 45:12 ပူးပေါင်းရင်းမြစ်များ

Senesi 42:23

Na leaise lotou iloa na logo Sosefo ki alatou masau, talie na fakaaoga e Sosefo se tagata fakasokopati kia latou.

Senesi 45:11

I leinei, e kau fagai loa a koe, mo lou fale, ti mo au nea fuli, ke aua na puli loa se nea kia koutou, talie koi toe foki ni fetuu oge e lima.

Senesi 45:13

Kotou fakamatala ki loku tamana loku kololia katoa i Esipito, mo nea fuli ala kua kotou tio ki ai. Ti kotou fakatavili loa o aumai loku tamana ki leinei.

Luka 24:39

Kotou tio mai ki oku lima mo oku vae, ko au totonu ; kotou fafa mai kiate au ti kotou tio : E leaise maua e le tuuola se kanofi mo ni ivi, ofaipe au leinei, e kotou tio mai ki ai.

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.