Senesi 43:9 - Tosi Tapu

⁹ Ko au, e kau tokaga loa kiate ia ; e ke afa mai loa a ia kiate au. Kapau e leaise kau liufaki mai a ia kiate koe, ti kapau e leaise kau toe tuku a ia ki ou mua, ti e kau sala loa i ou mua o lee gato.

Senesi 43:9 ပူးပေါင်းရင်းမြစ်များ

Senesi 31:39

Na leaise kau aumai fua kiate koe i se aso se manu na tamate e se manu fekai, ti na kau totogi kiate koe a nea fuli na puli. Na ke fakaala mai kiate au a manu fuli na kaia, tatau fai pe na kaia i le ao pe ko le pouli.

Senesi 42:37

Na pati loa Lupeni ki lona tamana : E ke tamate loa oku vosa e lua mo kapau e leaise kau toe liuaki mai kiate koe lou vosa ko Pesamino ; tuku mai a ia kiate au, ti e kau toe liuaki mai loa a ia kiate koe.

Senesi 43:10

Talie kapau na leaise tou tuvai feneeki, kua motou toe liliu mai nei tua lua.

Senesi 9:5

Ke kotou iloa foki, e kau toe afa loa le toto o okoutou laumalie, e kau toe afa loa a ia ki manu fuli ; ti e kau toe afa loa le laumalie o le tagata ki le tagata, ki le tagata leia ko lona taina.

Lua tosi a Samuele 14:9

Na pati loa le fafine o Tekoa ki le sau : Ei sau, ke vilo le tautea kiate au mo le fale o loku tamana ; e leaise tonu ke mamae loa le sau mo le puleaga fakasau i le nea lena.

Uluaki tosi o Sau 1:21

Talie ka moe loa loku aliki le sau mo ona tamana, e feala loa ke tukugavelii loa au mo loku tama ko Salomone.

Sopo 17:3

Ei Atua, ke ke liliu ko loku avoka i ou tafa, Talie ko ai loa iate koe e tali ia ke tuu mai kiate au ?

Pesalemo 119:122

Ke ke liliu ko le fakamaoki o le malie o lau tagata fakasausau ; Aua na ke tuku ke pule ni tagata fia nealasi kiate au !

Esekiele 3:18

Ka kau pati loa ki le tagata agaveli : E ke mate loa ! kapau e leaise ke valoki loa a ia, kapau e leaise ke masau ke tafoki le tagata agaveli i lona ala veli ti ke saofaki ai lona mauli, e mate loa le tagata agaveli lena i lana agaveli, ti e kau afa atu loa kiate koe lona toto.

Esekiele 3:20

Kapau e tafoki se tagata faitotonu i lana faitotonu o fai le nea leia e veli, e kau fakatuu loa se masele i ona mua, ti e mate loa a ia ; talie na leaise ke valoki a ia, e mate loa a ia i lana agasala, e leaise toe masau loa ki le faitotonu leia na fai e ia i mua, ti e kau toe afa atu loa kiate koe lona toto.

Esekiele 33:6

Kapau e tio le tagata leo ki le au o le seleta, kae e leaise pupusi e ia le fakatagi pupusi ; kapau na leaise valoki le kakai, ti kapau e au le seleta o too le mauli o se tasi, e mate loa le tagata lena o tupu ko lana agaveli, kae e kau afa loa lona toto ki le tagata leo.

Esekiele 33:8

Kapau e kau pati ki le tagata agasala : Tagata agasala, e ke mate loa ! Kapau e leaise ke masau ke tafoki le tagata agasala i lona ala, e mate loa le tagata agasala lena i lana agasala, ti e kau afa loa lona toto kiate koe.

Luka 11:50

Koia e afa loa ki le tautupu leinei le toto o le kau polofeta fuli leia na liligi talu mei le fakatupu o le malama nei,

Epelo 7:22

I le nea foki lena, na soko ai Sesu ko le fakamaoki o se sai malie tukupau.