Senesi 43:8 - Tosi Tapu

⁸ Na pati loa Suta kia Iselaele : Tamana, tuku mai le toe ke ano mo au ! E tonu ke motou tutuu nei o ano, mo kapau e ke loto ke tou mauli, kae ke aua na tou mamate, tatou mo atatou fanau.

Senesi 43:8 ပူးပေါင်းရင်းမြစ်များ

Senesi 42:2

Ko leinei, e kau logo e maua se fulumeto i Esipito. Kotou ifo ki ai o totogi mai se fulumeto ke tou mauli ai, ti ke aua na tou mamate.

Senesi 42:38

Na pati loa Sakopo : E leaise ifo loa loku vosa ki Esipito mo koutou ; talie kua mate lona taina, ti e toka tasi a ia ; kapau e soko kiate ia se malaia i le fanoga leia ka kotou fai, e kotou fakaifo loa loku ulu sina i le mamae ki le nofoaga o le kau mate.

Senesi 44:20

Na motou tali : Koi mauli lomatou tamana kae kua matua, ti e i ai foki somatou taina muli leia na tupu kiate ia i lona temi matua. E alofa kese lomatou tamana ki le toe lena, talie ko le toe a ia e tasi koi toe kiate ia i le fafine leia na alofa mamae a ia ki ai ; kua mate le tasi a vosa.

Senesi 44:26

Na motou tali loa kiate ia : E leaise feala ke motou ifo ki Esipito mo kapau e leaise au lomatou taina mulimuli mo matou. Talie kapau e leaise au loa a ia mo matou, ti e leaise tali loa matou e le tagata pule o le fenua.

Senesi 45:19

E kau tuku atu loa kiate koe le fakatotonu leinei, ke ke pati kia latou : Kotou fai le nea leinei : Kotou too i le fenua o Esipito ni saliote ke aumai ai okoutou avaga, mo okoutou fanau, mo lokoutou tamana.

Senesi 50:21

Koia ke aua na kotou tuania ia fua se nea ; e kau tausi loa koutou, mo okoutou famili. Ti na fakafimalie loa e ia latou i lana masau ki olatou loto.

Senesi 50:8

mo le fale katoa o Sosefo, mo ona fetaina, mo le fale katoa o lona tamana. Na gato fai ki toe liliki, mo ovi, ti mo pipi, na tuku loa i le fenua o Koseni.

Lua tosi o Sau 7:13

Na pati loa se tasi i tagata fakasausau a le sau : Ke too ni osi e lima i osi ala koi toe i le kolo, - talie e lotou fai pe le toka api o Iselaele leia e toe i ai, e lotou fai pe le toka api o Iselaele leia kua vave mate, - ti ke tou kakau ke tio ki le nea kua soko.

Lua tosi o Sau 7:4

Kapau e tou manatu ke tou ulu ki le kolo, e nofo le oge i le kolo ti e tou mamate ai loa ; ti kapau e tou nonofo aifai i leinei, e tou toe mamate ai foki. Koia ke tou ano o ulu ki le nofolaga tau o le kau Silia ; kapau e lotou tuku tatou ke mauli, e tou mauuli loa, ti kapau e lotou tamate tatou, e tou mamate loa.

Esetalasi 8:21

I le ganea lena, i le kauvai o le vaitafe ko Aava, na kau fakatotonu loa se sesunio fakamamae i mua o lomatou Atua, o tupu ke kole kiate ia ke puipui lomatou fanoga, mo amatou fanau, ti mo amatou nea fuli.

Pesalemo 118:17

E leaise kau mate loa, e kau mauli loa, Ti e kau fakamatala loa gaoi a le Eteleno.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.

Numelo 14:31

Ti ko akoutou fanau liliki, ala na kotou pati : E lotou liliu loa ko le nea kai a le fili malo ! e kau fakaulu loa latou ki ai, ti e lotou iloa loa le fenua leia kua kotou aga o tiaki.

Tetelonome 33:6

Ke mauli Lupeni ti ke aua na mate a ia, Ti ke toka api ona tagata !