Senesi 43:5 - Tosi Tapu

⁵ Kae kapau e leaise ke loto ki ai, ti e leaise motou ifo loa ki Esipito, talie na fakapapau mai le tagata lena kia matou : Ke aua na kotou toe sa mai loa ki oku mua, mo kapau e leaise kotou au loa mo lokoutou taina muli.

Senesi 43:5 ပူးပေါင်းရင်းမြစ်များ

Senesi 42:15

E kau asiasii loa koutou i le nea leinei. I le igoa o Falaone, e kau fakapapau atu kia koutou e leaise kotou mavae loa i le fenua leinei i mua o le aumai o lokoutou taina muli ki leinei.

Senesi 42:20

Ti ke kotou aumai loa ki leinei lokoutou taina muli, ke oono ai akoutou masau, ti ke aua na kotou mamate loa. Ti na lotou fai loa ki ai.

Senesi 42:38

Na pati loa Sakopo : E leaise ifo loa loku vosa ki Esipito mo koutou ; talie kua mate lona taina, ti e toka tasi a ia ; kapau e soko kiate ia se malaia i le fanoga leia ka kotou fai, e kotou fakaifo loa loku ulu sina i le mamae ki le nofoaga o le kau mate.

Senesi 43:3

Na tali loa Suta kiate ia : Na fakapapau mai le tagata Esipito kia matou ke aua na motou toe sa ake ki ona mua, mo kapau e leaise motou nake loa mo lomatou taina muli.

Senesi 43:4

Koia kapau e ke tuku mai loa Pesamino ke ano mo matou, ti e motou ifo loa ki Esipito o totogi mai ni nea kai.

Senesi 43:6

Na pati loa Iselaele : Kolea na kotou fai nea veli ai kiate au, o pati ki le tagata lena e i ai foki sokoutou taina.

Senesi 44:23

Ti na ke pati mai loa ki au tagata fakasausau : Kapau e leaise kotou au loa mo lokoutou taina mulimuli, ti e leaise kotou sa loa ki oku mua.

Senesi 44:25

Ti na pati loa lomatou tamana : Kotou toe liliu o totogi mai se nea kai.

Senesi 44:26

Na motou tali loa kiate ia : E leaise feala ke motou ifo ki Esipito mo kapau e leaise au lomatou taina mulimuli mo matou. Talie kapau e leaise au loa a ia mo matou, ti e leaise tali loa matou e le tagata pule o le fenua.

Ekesote 20:12

Fakaapaapa ki lou tamana mo lou tinana, o tupu ke tologa lou mauli i le fenua leia e soli atu loa kiate koe e le Eteleno, lou Atua.