Senesi 43:3 - Tosi Tapu

³ Na tali loa Suta kiate ia : Na fakapapau mai le tagata Esipito kia matou ke aua na motou toe sa ake ki ona mua, mo kapau e leaise motou nake loa mo lomatou taina muli.

Senesi 43:3 ပူးပေါင်းရင်းမြစ်များ

Senesi 43:2

Na oki loa le fulumeto leia na avake i Esipito i le kai, ti na pati loa Sakopo ki ona vosa : Kotou toe liliu o totogi mai se nea kai.

Senesi 43:4

Koia kapau e ke tuku mai loa Pesamino ke ano mo matou, ti e motou ifo loa ki Esipito o totogi mai ni nea kai.

Senesi 43:5

Kae kapau e leaise ke loto ki ai, ti e leaise motou ifo loa ki Esipito, talie na fakapapau mai le tagata lena kia matou : Ke aua na kotou toe sa mai loa ki oku mua, mo kapau e leaise kotou au loa mo lokoutou taina muli.

Senesi 44:23

Ti na ke pati mai loa ki au tagata fakasausau : Kapau e leaise kotou au loa mo lokoutou taina mulimuli, ti e leaise kotou sa loa ki oku mua.

Lua tosi a Samuele 14:24

Kae na pati loa le sau : Ke liliu a ia ki lona fale ! Kae ke aua na tio a ia ki oku mata. Ti na ano loa Apesalone ki lona fale, ti na leaise tio loa a ia ki mata o le sau.

Lua tosi a Samuele 14:28

Na nofo loa Apesalone i Selusalemi i fetuu e lua, kae na leaise tio a ia ki le sau.

Lua tosi a Samuele 14:32

Na tali loa Apesalone kia Soape : Ko leinei, na kau kole atu ke ke au kiate au i leinei, ti e kau kakau loa a koe ki le sau talie ke ke pati kiate ia : Kolea le uiga o laku au mei Kesuli ? Na malie ake kiate au laku nofo i ai ! I le temi nei e kau fia tio ki mata o le sau ; ti kapau e i ai se sala iate au, ti ke fakatotonu e ia ke tamate au.

Lua tosi a Samuele 3:13

Na tali loa Tavite : E malie ! E kau fai loa se sai mo koe ; kae e kau kole atu kiate koe le nea e tasi ke ke fai : E leaise ke tio loa ki oku mata mo kapau e leaise ke aumai kiate au i mua a Mikale, taine o Saulo.

Gaoi 20:25

Ti ko leinei, e kau iloa e leaise kotou toe tio loa ki oku mata, koutou fuli ala na kau fakasa ki ai le Puleaga o le Atua.

Gaoi 20:38

o toe lasi ake loa lolatou mamae, o tupu ko le pati a Paulo, e leaise lotou toe tio loa ki ona mata. Ti na lotou ano loa, o tuku a ia ki le vaka.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.