Senesi 43:23 - Tosi Tapu

²³ Na tali loa le tagata pule kia latou : Ke fimalie okoutou loto ! Aua na kotou tuania ia se nea ! Ko lokoutou Atua lena, le Atua leia o lokoutou tamana, na soli ia se koloa ki loto o akoutou taga. Na kaku malie mai lakoutou paaga kiate au. Ti na aumai loa Simeone e le pule o le fale kia latou.

Senesi 43:23 ပူးပေါင်းရင်းမြစ်များ

Senesi 42:24

Na fakamamao loa Sosefo ia latou o tagi. Ti na toe liliu mai loa a ia o masau kia latou ; ti na too loa e ia Simeone, o fakatotonu ke sai a ia ki se tini i olatou mua.

Senesi 42:28

Na pati loa a ia ki ona fetaina : Kua toe fakaliliu mai kiate au laku paaga ! ko leinei a ia i laku taga. Na lotou i lasi ai, ti na lotou fepatiaki loa ia latou, o lulu : Kolea le nea leia kua fai loa e le Atua kia tatou ?

Senesi 42:36

Na pati loa lolatou tamana ko Sakopo kia latou : Kua kau nofo i le aso nei, o sala mo aku fanau e toka lua, o tupu ko koutou ! Kua puli Sosefo, ti kua puli mo Simeone, ti e kotou loto ke toe too mo Pesamino ! Ko au leia e vilo ki ai a nea fuli ana.

Senesi 43:14

Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Senesi 43:22

Na motou toe aumai foki se tasi paaga kese ke totogi ai ni iki amatou nea kai. E leaise motou iloa ia pe ko ai leia na tuku ia le paaga ki amatou taga.

Uluaki tosi o Koloniko 12:18

Ti na ifo loa le Laumalie o le Atua kia Amasai, ko se tasi o le pule solia, ti na pati loa a ia : E motou kau mo koe, Tavite, vosa o Isaia ! Tokamalie, tokamalie kiate koe, tokamalie kia latou ala e tokoi kiate koe, talie na tokoi kiate koe lou Atua ! Ti na tali loa latou e Tavite, o fakanofo latou ke kau i le kau pule o le solia.

Uluaki tosi o Koloniko 12:19

Na au loa ni tagata o Manase kia Tavite, i lana ano mo le kau Filisitini o fai le tau kia Saulo. Kae na leaise tali loa a ia e le kau Filisitini ; talie, i le oki o lalatou fono, na kakau loa e pule o le kau Filisitini a Tavite, o pati : E kau loa a ia mo lona pule ko Saulo kia tatou.

Esetalasi 4:17

Ko leinei le tali a le sau ki le kovana ko Leume mo le sekalaipe ko Simesai, ti mo ola fetaina ala na nonofo i Samalia ti mo le fetuu lena o le vaitafe : Fakaalofa atu…

Luka 10:5

I fale ala e kotou ulu ki ai, kotou pati mua : Ke nofo le tokamalie i le fale leinei !

Luka 24:36

I lala masau, na tuu loa Sesu totonu i loto malie o latou, o pati : Ke nofo le tokamalie mo koutou !

Soane 14:27

E kau tuku kia koutou le tokamalie, e kau soli kia koutou loku tokamalie. E leaise kau soli a ia kia koutou ofaipe le soli e le malama nei. Aua na mamae okoutou loto, ti mo i.

Soane 20:19

I le afiafi o le aso lena, leia ko le uluaki aso o le vasaa, kua tapono a matapa o le ganea leia na fakatasi ai le kau tisipulo, o tupu ko lolatou i ki le kau Sutea, na au loa Sesu, o tuu i loto malie o latou, o pati kia latou : Ke nofo ia koutou le tokamalie !

Soane 20:21

Na toe pati loa Sesu kia latou : Ke nofo ia koutou le tokamalie ! Ofaipe loku kakau mai e le Tamana, ko au foki e kau kakau koutou.

Soane 20:26

Sili ni aso e valu, na toe fakatasi le kau tisipulo a Sesu i le fale, ti na nofo Tomasi mo latou. Na au loa Sesu, kae kua tapono a matapa, o tuu i loto malie o latou, o pati : Ke nofo ia koutou le tokamalie !

Tuifakamaau 19:20

Na pati loa le matua : Ke nofo le tokamalie mo koe ! E kau tokaga loa ki nea fuli ala e aoga kiate koe, e leaise tonu ke ke nofo i le pouli i le lapalasi.

Tuifakamaau 6:23

Ti na pati loa le Eteleno kiate ia : Nofo i le tokamalie, aua na ke tuania se nea, talie e leaise ke mate loa.

Uluaki tosi a Samuele 25:6

ti e kotou masau feneeki loa kiate ia : Ke ifo kiate koe le tokamalie, mo lou fale, mo nea fuli e ke maua !