Senesi 43:14 - Tosi Tapu

¹⁴ Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Senesi 43:14 ပူးပေါင်းရင်းမြစ်များ

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 22:14

Na soli loa e Apalaamo ki le ganea lena le igoa ko Seova-Sile. Koia leia e pati ai i aso nei : I le mauga e soli loa e le Eteleno le nea leia e aoga !

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 35:11

Ti na pati loa le Atua kiate ia : Ko au ko le Atua Mafimafi. Ke ke fanaunau, mo ke liuliuga : E tupu loa meiate koe se puleaga, mo ni puleaga lasi ai, ti e ulu loa ni sau mei ou ifiifi.

Senesi 39:21

Na nofo loa le Eteleno mo Sosefo, ti na fakasa loa e ia lona agamalie kiate ia. Na tuku loa e ia kiate ia se kalasia i mua o le pule o le fale pilisoni.

Senesi 42:24

Na fakamamao loa Sosefo ia latou o tagi. Ti na toe liliu mai loa a ia o masau kia latou ; ti na too loa e ia Simeone, o fakatotonu ke sai a ia ki se tini i olatou mua.

Senesi 42:36

Na pati loa lolatou tamana ko Sakopo kia latou : Kua kau nofo i le aso nei, o sala mo aku fanau e toka lua, o tupu ko koutou ! Kua puli Sosefo, ti kua puli mo Simeone, ti e kotou loto ke toe too mo Pesamino ! Ko au leia e vilo ki ai a nea fuli ana.

Senesi 43:13

Kotou too mo lokoutou ga taina, ti kotou tutuu o toe liliu ki le tagata lena.

Senesi 44:12

Ti na sufe loa e le tagata pule alatou kavega, o kamata mei le uluaki o fakaoki ki le mulimuli, ti ko leinei, na tuku le ipu i le taga a Pesamino.

Esetalasi 7:27

Ke fakafetai ki le Eteleno, le Atua o otatou tamana, leia na teuteui ia le loto o le sau ke fakakololia feneeki ai le fale o le Eteleno i Selusalemi,

Neemia 1:11

Ei Aliki, ke tokaga mai lou taliga ki le kole a lau tagata fakasausau, ti mo le kole a au tagata fakasausau ala e loto ke i ki lou suafa ! Tapuaki i le aso nei lau tagata fakasausau, o ke tuku ke maua e ia se manava alofa i mua o le tagata leinei ! I le temi aia na kau pule ki le vino a le sau.

Esitele 4:16

Ano, o fakatasii le kau Sutea fuli leia e nonofo i Suse, ti kotou sesunio kiate au, aua na kotou kai fua pe kotou inu fua i ni aso e tolu i le pouli mo le ao. Ko au foki, e kau sesunio loa mo aku fafine fakasausau, ti oki aia, e kau ano loa ki le sau, logo ai le lao ; ti kapau e tonu ke kau mate, e kau mate loa.

Pesalemo 100:5

Talie e agamalie le Eteleno ; e lee gato lona agamalie, Ti e tuu lona agatonu i tautupu ki tautupu.

Pesalemo 106:46

Ti na fakatupu loa e ia le manava alofa i loto o latou ala na fakapopula ia latou.

Pesalemo 119:41

Eteleno, ke au lou manava alofa kiate au. Fakamauli au o mulimuli ki lau fakapapau !

Pesalemo 85:7

Pe leaise ke toe aumai loa le mauli kia matou, o tupu ke fiafia lou kakai iate koe ?

Taagapati 1:1

Taagapati a Salomone, sau o Iselaele, vosa o Tavite,

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Esaia 49:13

Atu lagi, kotou fakafiafia ! Kele, kotou nekenekea ! Atu mauga, kotou kalaga fakafiafia ! Talie e fakapelepele e le Eteleno lona kakai, Ti kua alofa a ia ki lona kakai na mamae.

Luka 1:50

Ti e mafola lona manavaalofa i le tautupu ki le tautupu Kia latou ala e i kiate ia.

Soane 19:22

Na tali loa Pilato kia latou : Ko le nea leia kua kau tosi, kua kau tosi a ia.

Gaoi 21:14

I le leaise toe fetogi o lona loto, na motou fakalologo loa, o pati : Ke fai le finegalo o le Aliki !

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.

Uluaki tosi kia Timoteo 1:16

Kae na kau maua le manavaalofa, o tupu ke fakasa e Sesu-Kilisito iate au, ko le uluaki, lona alofa kataki fualoa, ti ke kau liliu ko se faifaitakiaga kia latou ala e tui loa kiate ia mo tali ia loa le mauli lee gato.

Uluaki tosi kia Timoteo 1:2

kia Timoteo laku fanau totonu i le tui : Ko le kalasia, mo le manavaalofa, ti mo le tokamalie ke soli atu kiate koe e le Atua ko le Tamana ti mo Sesu-Kilisito ko lotatou Aliki !

Tito 1:4

kia Tito, ko laku fanau totonu i le tui leia e ta fakatasi ai : Ko le kalasia mo le tokamalie ke soli atu kiate koe e le Atua ko le Tamana ti mo Sesu-Kilisito ko lotatou Fakamauli !

Lua tosi a Soane 1:3

Ko le kalasia, mo le manavaalofa, ti mo le tokamalie ke tuku atu kia koutou e le Atua ko le Tamana ti mo Sesu-Kilisito ko le Alo o le Tamana, i le maoki mo le alofa !