Senesi 42:6 - Tosi Tapu

⁶ Na pule Sosefo i le fenua ; ko ia leia na fakatau ia le fulumeto ki le kakai katoa o le fenua. Ti na au loa fetaina o Sosefo o punou ki le kele i ona mua.

Senesi 42:6 ပူးပေါင်းရင်းမြစ်များ

Senesi 18:2

Na siki ake loa e ia ona mata, o tio : ti ko leinei, kua tutuu ni tagata e toka tolu o ofi kiate ia. I lana tio kia latou, na makape loa a ia ki olatou mua, mei le matapa o le falela, o punou ki le kele.

Senesi 19:1

Na kaku loa aselo e toka lua ki Sotoma i le afiafi ; kae na tonatona loa a Lote i le matapa o Sotoma. I le tio a Lote kia laua, na tuu ake loa a ia o ano o fakafelavei kia laua, ti na punou loa a ia o kaku ki le kele.

Senesi 33:3

Na ano loa a ia totonu i olatou mua, ti na punou loa a ia ki le kele o tua fitu i mua o lana kaku ki lona taina.

Senesi 41:43

Ti na fakaeke loa e ia Sosefo ki le saliote leia e olo ake ki lana saliote, ti na kalaga loa i mua o Sosefo : Ke tutuli ! I le nea lena, na fakanofo loa a ia e Falaone ke pule ki le fenua katoa o Esipito.

Senesi 41:54

Ti na kamata loa a fetuu oge e fitu, ofaipe lona kua fakasa e Sosefo. Na to loa le oge i fenua fuli, kae na maua loa le pane i le fenua katoa o Esipito.

Senesi 41:57

Ti na au loa mei fenua fuli ki Esipito, o totogi fulumeto ia Sosefo ; talie na veli ai le oge i fenua fuli.

Senesi 44:14

Na kaku loa Suta mo ona fetaina ki le fale o Sosefo, kae koi nofo Sosefo i ai, ti na lotou punou loa ki le kele i ona mua.

Senesi 45:26

Na lotou pati loa kiate ia : Koi mauli Sosefo, ti ko leinei foki ko ia leia kua pule i le fenua katoa o Esipito. Kae na momoko loa le mafu o Sakopo, talie na leaise tui loa a ia kia latou.

Senesi 45:8

Koia e leaise ko koutou ala na aumai ia au ki leinei, kae ko le Atua. Kua fakanofo au e le Atua ko le tamana o Falaone, ko le pule o lona fale katoa, ti ko le kovana o le fenua katoa o Esipito.

Senesi 48:12

Ti na too loa e Sosefo ona vosa, ala na ekeeke i tuli o lona tamana ko Sakopo, o tuku ki lalo, ti na punou loa a ia i ona mua.

Taagapati 11:26

Ko leia e taofi ia le fulumeto e fakamalaia e le kakai, Kae e ifo le tapuakina ki le ulu o leia e fakatau ia a ia.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.

Apokalipisi 3:9

Tio, e kau soli kiate koe ni iki o le sinakoka o Satana, ala e pati ko le kau Sutea, kae e leai, e lotou loi ; tio, e kau fakamakeke loa latou ke lotou au o punou i ou vae, ti ke lotou iloa kua kau alofa kiate koe.

Uluaki tosi a Samuele 20:41

I le mavae loa o le toe, na tuu mai loa Tavite mei le ganea leia na mumuni ai i le potu saute, o punou tua tolu ona mata ki le kele. Na sogi loa Sonatane mo Tavite, ti na la fetagisi loa toka lua, kae na lasi ai le maligi o loimata o Tavite.