Senesi 42:4 - Tosi Tapu

⁴ Na leaise tuku loa e Sakopo a Pesamino, taina o Sosefo, ke ano mo latou, talie na i Sakopo na soko loa se nea veli kiate ia.

Senesi 42:4 ပူးပေါင်းရင်းမြစ်များ

Senesi 11:4

Na lotou toe pati loa : Tou tutuu ki aluga, ti tou fakatuu se kolo mo se tule leia e tau lona tumutumu ki le lagi ; ke logo ai lotatou igoa, ti ke aua na tou mavetevete loa i aluga o le malama nei katoa.

Senesi 3:22

Ti na pati loa le Eteleno Atua : Ko leinei, kua liliu le tagata ofaipe se tasi o tatou, talie kua iloa e ia le malie mo le veli. Koia ke tou taofi a ia i le aso nei ke aua na falo lona lima, o tau le laakau o le mauli o kai, ti ke mauli loa a ia o lee gato.

Senesi 35:24

Ko vosa ia Lasele : Ko Sosefo mo Pesamino.

Senesi 42:3

Na ifo loa fetaina e tino agafulu o Sosefo ki Esipito, o totogi fulumeto.

Senesi 42:38

Na pati loa Sakopo : E leaise ifo loa loku vosa ki Esipito mo koutou ; talie kua mate lona taina, ti e toka tasi a ia ; kapau e soko kiate ia se malaia i le fanoga leia ka kotou fai, e kotou fakaifo loa loku ulu sina i le mamae ki le nofoaga o le kau mate.

Senesi 43:14

Ke alofa le Atua mafimafi o tuku ke tali malie koutou e le tagata lena ti ke kotou toe liliu mai kiate au mo lokoutou taina ko Pesamino ti mo Simeone. Ti ko au, kapau e tonu ke kau nofo sala mo aku fanau, ti ke kau sala !

Senesi 43:29

Ti na siki ake loa e Sosefo ona mata ; ti na tio loa a ia kia Pesamino lona taina, vosa o lona tinana totonu, ti na pati loa a ia : Pe ko lokoutou taina muli leinei leia na kotou masau mai ki ai ? Ti na pati loa a ia kia Pesamino : Ke tapuaki le Atua kiate koe, ei loku vosa !