Senesi 42:28 - Tosi Tapu

²⁸ Na pati loa a ia ki ona fetaina : Kua toe fakaliliu mai kiate au laku paaga ! ko leinei a ia i laku taga. Na lotou i lasi ai, ti na lotou fepatiaki loa ia latou, o lulu : Kolea le nea leia kua fai loa e le Atua kia tatou ?

Senesi 42:28 ပူးပေါင်းရင်းမြစ်များ

Senesi 27:33

Na lulu katoa loa Isaake i le lasi o lona ofolele, ti na pati loa a ia : Ko ai leia na kapu ia se manu o aumai kiate au ? Talie kua kau kai ki nea fuli i mua o lau kaku mai, ti kua kau tapuaki kiate ia. Koia, e tapuakina maoki loa a ia.

Senesi 42:29

Na lotou toe liliu loa ki lolatou tamana ko Sakopo, i le fenua o Kanaane, ti na lotou fakamatala loa kiate ia a nea fuli ala na soko kia latou. Na lotou pati loa :

Senesi 42:36

Na pati loa lolatou tamana ko Sakopo kia latou : Kua kau nofo i le aso nei, o sala mo aku fanau e toka lua, o tupu ko koutou ! Kua puli Sosefo, ti kua puli mo Simeone, ti e kotou loto ke toe too mo Pesamino ! Ko au leia e vilo ki ai a nea fuli ana.

Senesi 43:23

Na tali loa le tagata pule kia latou : Ke fimalie okoutou loto ! Aua na kotou tuania ia se nea ! Ko lokoutou Atua lena, le Atua leia o lokoutou tamana, na soli ia se koloa ki loto o akoutou taga. Na kaku malie mai lakoutou paaga kiate au. Ti na aumai loa Simeone e le pule o le fale kia latou.

Uluaki tosi o Sau 10:5

mo nea kai o lona laupapa, mo le nofoaga o ana tagata fakasausau, mo tuulaga ti mo teu o latou ala na tausi kiate ia, mo ana tagata ala na tokaga ki nea inu, mo ana failaulau ala na momoli e ia i le fale o le Eteleno ; na apele loa lona loto i le ofolele.

Pesalemo 61:2

Ei Atua ! fakalogo mai ki aku tagi, Tokaga mai ki laku kole !

Katiko o Katiko 5:6

Na kau fakamavaa ki loku mamanaaga ; Kae kua ano loku alofaaga, kua puli a ia. Na oso loku loto i lana masau mai kiate au. Na kau afa a ia, kae na leaise kau maua a ia ; Na kau kalaga kiate ia, kae na leaise tali mai a ia kiate au.

Esaia 45:7

E kau fau le malama, ti e kau fakatupu le fakapouli ; E kau soli le mou koloa, ti e kau fakatupu le malaia ; Ko au, le Eteleno, e kau fai a nea fuli ana.

Tagi laulau a Selemia 2:17

Kua fai e le Eteleno le nea leia na fakatuutuu e ia, Kua fakasoko e ia le folafola leia na fakatuutuu e ia talu mei fualoa, Kua maumaui e ia sala alofa ; Kua fakaliliu e ia a koe ko le fiafiaaga o le fili, Kua lagai e ia le makeke o latou ala e fakamamae ia a koe.

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Luka 21:26

Ti e tio noa loa le kakai i le i lasi ai ti mo le talitali pe kolea ka soko mai loa ki le malama nei katoa ; talie e galulu loa a makeke fuli o le lagi.

Tetelonome 28:65

I puleaga ana, e leaise ke fimalie loa ti e leaise ke maua loa se ganea leia ke malolo ai ou alofivae. Kae e tuku loa e le Eteleno kiate koe se loto lulu, mo ni mata gaegae, mo se loto mamae.