Senesi 42:19 - Tosi Tapu

¹⁹ Kapau e kotou maoki, ti ke nofo loa se tasi ia koutou i le fale pilisoni ; kae ko koutou ake ala, ke kotou toe liliu loa o ave se fulumeto ke fagai ai okoutou famili,

Senesi 42:19 ပူးပေါင်းရင်းမြစ်များ

Senesi 40:3

Ti na tuku loa e ia laua ki le fale pilisoni, ki le fale leia na nonofo ai le kau pilisoni a le sau, le ganea leia na nofo ai Sosefo.

Senesi 41:56

Na veli loa le oge i le fenua katoa. Ti na fakamavaa loa e Sosefo a ganea fuli ala na tanaki ai a nea kai, ti na fakatau loa e ia le fulumeto ki le kau Esipito. Na toe asilisili veli loa le oge i le fenua o Esipito.

Senesi 42:11

Ko vosa fuli matou o le tagata e tasi ; E motou fakasa le maoki, e leaise motou kaka.

Senesi 42:18

I le tolu o aso, na pati loa Sosefo kia latou : Kotou fai le nea leinei, ti e kotou mauli loa. E kau i ki le Atua !

Senesi 42:20

Ti ke kotou aumai loa ki leinei lokoutou taina muli, ke oono ai akoutou masau, ti ke aua na kotou mamate loa. Ti na lotou fai loa ki ai.

Senesi 42:26

Na lotou teki loa alatou tagata fulumeto ki alatou asino, ti na lotou ano loa.

Senesi 42:33

Ti ko le tagata, leia ko le aliki o le fenua, na pati mai loa kia matou : Ko leinei le nea leia e kau iloa ai loa pe kotou maoki. Kotou tuku se tasi o koutou ke nofo mo au, ti kotou too loa se nea ke fagai ai okoutou famili, ti kotou ano loa, ti kotou aumai loa kiate au lokoutou taina muli.

Senesi 45:23

Ti na fakamomoli loa e ia ki lona tamana ni asino tagata e kau agafulu o ave ai a fua malilie tukupau o Esipito, ti mo asino fafine e kau agafulu o ave ai le fulumeto, mo pane, mo nea kai ki le fanoga.

Esaia 42:22

Kae ko se kakai kua kaia ona koloa, ti kua nofo telefua ! Kua saisai latou fuli ki ni tini i ni ana, Ti kua fufu latou i ni fale pilisoni ; Kua tuku latou ki le kaia, ti e leaise tasi fua ke saofaki ia latou ! Kua kaia olatou koloa fuli, ti e leaise pati se tasi : Ke toe fakaliliu !

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Selemia 37:15

Na itaita loa le kau pule kia Selemia ti na lotou lalava a ia, o velo ki le pilisoni, i le fale o Sonatane, le sekalaipe ; talie kua lotou fakaliliu lona fale ko se fale pilisoni.