Senesi 42:18 - Tosi Tapu

¹⁸ I le tolu o aso, na pati loa Sosefo kia latou : Kotou fai le nea leinei, ti e kotou mauli loa. E kau i ki le Atua !

Senesi 42:18 ပူးပေါင်းရင်းမြစ်များ

Senesi 20:11

Na tali loa Apalaamo : Na kau pati i loku loto, e lagi leaise maua se i maoki ki le Atua i le fenua leinei, ti e tamate loa au o tupu ko laku avaga.

Senesi 39:9

E leaise lasi ake a ia iate au i le fale leinei, ti e leaise tapui e ia se nea kiate au, gato fua kiate koe, talie ko lana avaga a koe. E feaki loa ke kau fai se nea veli fenaaki kiate ia, ti ke kau toe agasala ai ki le Atua ?

Senesi 42:19

Kapau e kotou maoki, ti ke nofo loa se tasi ia koutou i le fale pilisoni ; kae ko koutou ake ala, ke kotou toe liliu loa o ave se fulumeto ke fagai ai okoutou famili,

Neemia 5:15

Kae ko kovana ala na muamua iate au na fakamamae ia le kakai ki le tukusau lena, o lotou tali mei le kakai le pane, mo le vino ti mo fa sikele paaga e kau fa ; io, na fakavelivelii e alatou tagata fakasausau le kakai. Na leaise kau fai fua le nea lena, talie na kau i ki le Atua.

Neemia 5:9

Ti na kau pati loa : Ko le nea leia e kotou fai e leaise malie. Pe na leaise tonu ke kotou saele i le i ki lotatou Atua, o tupu ke aua na lauvelii tatou e puleaga ala e fili mai kia tatou ?

Sopo 1:1

Na i ai se tagata i le fenua ko Usi leia na igoa ko Sopo. Ti na saosaoa mo agatonu le tagata lena ; ti na i a ia ki le Atua, ti na fakamamao a ia mei le veli.

Ekesote 1:17

Kae na i loa a fafine faifanau ki le Atua, ti na leaise la fakalogo loa ki le nea leia na pati ki ai le sau o Esipito ; kae na la tuku loa ke mauli a toe.

Ekesote 18:21

Filifili e koe i le kakai katoa ni tagata poto, ni tagata ala e alofa ki le Atua, ni tagata agatonu mo loto sako ti e leaise manumanu ; ti fakanofo loa e koe latou ko ni pule ki le tino afe, mo le tino lelau, mo le tino lima, ti mo le tino agafulu.

Levitiko 25:17

Ke aua na kakai loa e se tasi o koutou lona taina, kae e ke fakaapaapa loa ki lou Atua ; talie ko au ko le Eteleno, ko lokoutou Atua.

Levitiko 25:43

Aua na ke pule fakamakeke loa kiate ia, kae ke ke i loa ki lou Atua.

Luka 18:2

Na pati loa a ia : Na i ai i se kolo se tui fakamaau leia na leaise i fua ki le Atua, pe tokaga fua ki se tagata.

Luka 18:4

Na fakafiti loa a ia o fualoa ai. Kae ki muli na pati loa a ia i lona loto : e leaise kau i fua ki le Atua ti e leaise kau tokaga fua ki se tasi,