Senesi 42:13 - Tosi Tapu

¹³ Na lotou tali loa : Ko au tagata fakasausau matou, ko ni fetaina matou na tino agafulu tupu lua, ko vosa fuli matou o le tagata e tasi i le fenua o Kanaane : ti e nofo leia e muli i le aso nei mo lomatou tamana, ti kua puli le tasi.

Senesi 42:13 ပူးပေါင်းရင်းမြစ်များ

Senesi 37:30

Ti na ano loa a ia ki ona fetaina o pati kia latou : Kua puli le toe ! Ti ko au, e kau ano loa kifea ?

Senesi 42:11

Ko vosa fuli matou o le tagata e tasi ; E motou fakasa le maoki, e leaise motou kaka.

Senesi 42:12

Na pati loa Sosefo kia latou : E leaise kau tui. Na kotou au o tio ki ganea gagae o le fenua.

Senesi 42:14

Na pati loa Sosefo kia latou : E kau pati atu e maoki ko ni tagata kaka koutou.

Senesi 42:32

Ko matou ko ni fetaina e tino agafulu tupu lua, ko vosa fuli matou o le tagata e tasi, lomatou tamana : Kua puli le tasi, ti e nofo le muli i le aso nei mo lomatou tamana i le fenua o Kanaane.

Senesi 42:36

Na pati loa lolatou tamana ko Sakopo kia latou : Kua kau nofo i le aso nei, o sala mo aku fanau e toka lua, o tupu ko koutou ! Kua puli Sosefo, ti kua puli mo Simeone, ti e kotou loto ke toe too mo Pesamino ! Ko au leia e vilo ki ai a nea fuli ana.

Senesi 42:38

Na pati loa Sakopo : E leaise ifo loa loku vosa ki Esipito mo koutou ; talie kua mate lona taina, ti e toka tasi a ia ; kapau e soko kiate ia se malaia i le fanoga leia ka kotou fai, e kotou fakaifo loa loku ulu sina i le mamae ki le nofoaga o le kau mate.

Senesi 43:29

Ti na siki ake loa e Sosefo ona mata ; ti na tio loa a ia kia Pesamino lona taina, vosa o lona tinana totonu, ti na pati loa a ia : Pe ko lokoutou taina muli leinei leia na kotou masau mai ki ai ? Ti na pati loa a ia kia Pesamino : Ke tapuaki le Atua kiate koe, ei loku vosa !

Senesi 43:7

Na lotou tali loa kia Sakopo : Na fakavesilii matou e le tagata lena o uiga mo matou mo lomatou famili, o vesili mai a ia : Pe koi mauli lokoutou tamana ? Pe koi toe se tasi ake o okoutou taina ? Ti na motou tali loa ki ana vesili. Pe na mafai ke motou iloa e pati mai loa a ia ke avake lomatou taina ?

Senesi 44:20

Na motou tali : Koi mauli lomatou tamana kae kua matua, ti e i ai foki somatou taina muli leia na tupu kiate ia i lona temi matua. E alofa kese lomatou tamana ki le toe lena, talie ko le toe a ia e tasi koi toe kiate ia i le fafine leia na alofa mamae a ia ki ai ; kua mate le tasi a vosa.

Senesi 44:28

Kua puli le tasi a vosa talu mei le aso leia na mavae ai i leinei ; ti e kau masalo kua kai a ia e se manu fekai, talie e leikiaise kau toe tio kiate ia o kaku mai ki le aso nei.

Senesi 45:26

Na lotou pati loa kiate ia : Koi mauli Sosefo, ti ko leinei foki ko ia leia kua pule i le fenua katoa o Esipito. Kae na momoko loa le mafu o Sakopo, talie na leaise tui loa a ia kia latou.

Selemia 31:15

E folafola le Eteleno, o pati : E logo ki ni tagi i Lama, Ki ni tagi laulau, ki ni loimata kona ; E tagi Lasele ana fanau ; Ti e leaise tali e ia ke fakapelepele a ia i ana fanau, Talie kua lotou pupuli.

Tagi laulau a Selemia 5:7

Na agasala omatou tamana, ti kua lotou pupuli, Ti ko matou ala kua amo ia le mamae o alatou agaveli.

Mateo 2:16

Ko Elote, i lana tio kua manogii a ia e le kau masi, na itaita lasi ai, ti na fakatotonu loa e ia ke tamate a toe tagata liliki fuli kua fetuu lua o ifo ki lalo, ala na nonofo i Peteleemi ti mo fenua fuli i ona tafatafa, o mulimuli ki le aso leia na afaafa logo ai a ia ki le kau masi.

Mateo 2:18

Na logo ki se leo i Lama, Ko ni tagi mo ni tagi vale lalasi ai : E tagi e Lasele ana fanau, Ti na leaise loto a ia ke fakapelepele, Talie kua lotou pupuli.