Senesi 41:6 - Tosi Tapu

⁶ Ti ko ni iki ake taulu fulumeto e fitu, ala na paao mo masunu i le matagi o le potu esite, na somo ake loa i olatou muli.

Senesi 41:6 ပူးပေါင်းရင်းမြစ်များ

Senesi 41:23

Ti na sosomo ake loa i olatou muli ni iki ake taulu fulumeto e fitu, ala na paao mo masunu i le matagi o le potu esite.

Senesi 41:5

Na toe moe loa a ia, ti na toe fai loa e ia se tasi moe miti. Na tio a ia ki ni taulu fulumeto e fitu, ala na fulumalilie mo fualalasi, na sosomo ake i le tafito fulumeto e tasi.

Senesi 41:7

Ti na folo loa e taulu fulumeto paao a taulu fulumeto fualalasi mo fuamalilie. Ti na ala ake loa Falaone ; ko lena lana moe miti.

Esekiele 17:10

Ko leinei, kua to le vite ; pe tupu malie loa a ia ? Pe leaise gae loa a ia mo ka agi mai kiate ia le matagi o le potu esite ? E gae loa a ia i le ganea leia na tupu ake ai.

Esekiele 19:12

Kae na taaki fakaveliveli loa a ia, o ti ki le kele ; Na fakagae loa ona fua e le matagi o le potu esite ; Na fatifatii loa ona laa makeke o malo ; Na tutu loa a ia e le afi.

Oseo 12:1

E takatakai au e Efalaimi ki ni loi, Ti mo le fale o Iselaele ki ni kaka ; Koi tuu makeke a Suta ki le Atua, Ki le Maokioki agatonu.

Oseo 13:15

E logo ai le lasi o fua o Efalaimi i loto malie o ona fetaina, E au loa le matagi o le potu Esite, e malaga ake loa le matagi o le Eteleno i le toafa, O fakamalo ia loa ona matapuna, ti mo fakamasa ia loa ona tanakiaga vai. E kaia loa a fale koloa fuli ala e tanaki ai au nea mauiga.

Sonasi 4:8

I le sopo ake o le laa, na fakaagi loa e le Atua se matagi vevela mei le esite, ti na tutu loa e le laa le fa ulu o Sonasi, o fakapouli ai ona mata. Ti na kole loa e ia le mate, o pati : E malie ake le mate kiate au i le mauli.