Senesi 41:52 - Tosi Tapu

⁵² Ti na soli loa e ia ki le vosa lua le igoa ko Efalaimi, talie na pati a ia : Kua soli mai e le Atua kiate au ni fanau i le fenua leinei na kau mamae lasi ai.

Senesi 41:52 ပူးပေါင်းရင်းမြစ်များ

Senesi 17:6

E kau liuliuga loa a koe o lasi, e kau fakatupu loa meiate koe ni puleaga ; ti e tupu loa ni sau meiate koe.

Senesi 28:3

Ke tapuaki le Atua Mafimafi kiate koe, o fakatuputupua mo liuliuga a koe, ke ke liliu ko ni kakai mauke ai !

Senesi 41:51

Na soli loa e Sosefo ki le vosa uluaki le igoa ko Manase, talie na pati a ia : Kua tuku e le Atua ke kau galoi oku mamae fuli mo loku mamao mei le fale katoa o loku tamana.

Senesi 41:53

Ti na oki loa a fetuu e fitu o le mau i Esipito.

Senesi 48:1

I le oki o nea ana, na fakasa loa kia Sosefo : Ko leinei kua masaki lou tamana. Ti na too loa e Sosefo ona vosa e toka lua ko Manase mo Efalaimi, o ave kia Sakopo.

Senesi 48:14

Na falo loa e Iselaele lona lima atamai o teki ki le ulu o Efalaimi, leia na muli, kae na falo loa e ia lona lima sema o teki ki le ulu o Manase, leia na mua. Na fai loa e ia le nea lena i le atamai malama.

Senesi 48:5

I le aso nei, ko vosa e lua, ala na tupu kiate koe i le fenua o Esipito i mua o laku tau mai kiate koe i Esipito nei, e ke soli mai loa laua kiate au : E liliu loa Efalaimi mo Manase ko aku fanau ofaipe Lupeni mo Simeone.

Senesi 49:22

Ko Sosefo, ko le uli a ia o se laakau fua, Le uli o se laakau fua i tafa o se matapuna vai ; E malaga loa ona laa i aluga o le kaua.

Senesi 50:23

Na tio loa Sosefo ki vosa o Efalaimi o kaku ki le tolu tautupu ; ti ko vosa o Makile, vosa o Manase, na eke loa i ona tega.

Amosi 6:6

E lotou inu le vino i ni ipu lalasi, E lotou pani le lolo malie, Ti e leaise lotou mamae fua i le maumau o Sosefo !

Numelo 26:28

Ko vosa o Sosefo, o mulimuli ki olatou famili : Ko Manase mo Efalaimi.

Gaoi 7:10

Kae na nofo loa le Atua mo Sosefo, o saofaki a ia i ona mamae fuli ; na soli loa e ia kia Sosefo le poto mo le kalasia i mua o Falaone, sau o Esipito, leia na fakanofo ia loa a ia ke kovana i Esipito, ti mo lona fale katoa.

Sosue 14:4

Na nofo a vosa o Sosefo mo faasiga e lua, ko Manase mo Efalaimi. Ti na leaise soli loa se vaega ki le kau Levi i le fenua, gato fai ki kolo ala ke lotou nonofo ai, ti mo olatou tafatafa ki alatou kau manu mo alatou koloa.

Sosue 16:4

Ko lena le tofiga leia na maua e vosa o Sosefo, ko Manase mo Efalaimi.

Sosue 17:1

Na i ai foki se tofiga na tuku e le toso ki le faasiga o Manase, talie ko le uluaki a ia o Sosefo. Ko Makile, ko le vosa uluaki o Manase ti ko le tamana o Kalaate, na maua ia a Kalaate mo Pasani, talie ko se tagata tau a ia.

Uluaki tosi a Samuele 1:20

I le fetuu lena, na tinae loa a Ana, ti na fanaui loa e ia se tama, leia na fakaigoa loa e ia ko Samuele, talie na pati loa a ia : Na kau kole a ia ki le Eteleno.