Senesi 41:42 - Tosi Tapu

⁴² Ti na too loa e Falaone lona mama i lona lima o velo ki le lima o Sosefo ; ti na fakakofu loa e ia Sosefo ki ni kofu tetea fulumalilie, ti na fakatau loa e ia se kasoa aulo ki lona ua.

Senesi 41:42 ပူးပေါင်းရင်းမြစ်များ

Senesi 38:18

Na tali loa Suta : Kolea le fakamaoki leia e tonu ke kau tuku atu kiate koe ? Ti na pati loa Tamale : Ko lou mama fakamailoga totonu, mo lou kavei, ti mo le tokotoko lena e ke too i lou lima. Ti na tuku loa e Suta a nea ana kia Tamale, ti na ano loa a Suta kiate ia. Na tinae loa Tamale kia Suta.

Senesi 41:43

Ti na fakaeke loa e ia Sosefo ki le saliote leia e olo ake ki lana saliote, ti na kalaga loa i mua o Sosefo : Ke tutuli ! I le nea lena, na fakanofo loa a ia e Falaone ke pule ki le fenua katoa o Esipito.

Esitele 10:3

Talie na olo le Sutea ko Maletoseo ki le sau ko Asuelusi. Na mauiga a ia ki mata o le kau Sutea, ti na alofa kiate ia le toka api o ona fetaina. Na afa loa e ia le malie o lona kakai, ti na masau loa a ia ki le fimalie o lona lanu.

Esitele 3:10

Na too loa e le sau lona mama i lona lima o soli kia Amane, vosa o Ametata, le tagata Akake, le fili o le kau Sutea.

Esitele 3:12

Na kalagai loa le kau sekalaipe a le sau i le aso kau agafulu tupu tolu o le uluaki masina, ti na tosi loa o mulimuli ki le nea katoa leia na fakatotonu e Amane ki le kau aliki katoa a le sau, mo le kau kovana o le fenua taki tasi ti mo le kau pule o le kakai taki tasi, ki le fenua taki tasi o mulimuli ki lana faitosi, ki le kakai taki tasi o mulimuli ki lana masau. Na tosi loa i le igoa o le sau ko Asuelusi, o fakamaoki ki le mama o le sau.

Esitele 8:10

Na fai loa ni tosi i le igoa o le sau ko Asuelusi, ti na fakamaoki loa ki le mama o le sau. Na ave loa a tosi e ni tagata avetosi ala na eke loa i ni osi, mo ni mule, ti mo ni kamelo.

Esitele 8:15

Na mavae loa Maletoseo i le fale o le sau, mo se kofu fakasau usi mo tea, mo se pala aulo lasi, ti mo se taupulupulu mauiga lanu kula. Na kalaga fakafiafia loa le kolo ko Suse ti mo nekenekea.

Esitele 8:2

Na too loa e le sau lona mama, leia na too e ia ia Amane, o soli a ia kia Maletoseo ; ti na fakanofo loa e Esitele a Maletoseo ke pule ki le fale o Amane.

Esitele 8:8

Kolua faitosi ki le kau Sutea, o mulimuli ki le nea leia e malie kia koutou, i le igoa o le sau, ti kolua fakamaoki ki le mama o le sau ; talie e leaise feala ke toe soloi se tosi leia kua fai i le igoa o le sau ti kua fakamaoki ki le mama o le sau.

Pesalemo 73:6

Koia kua lotou kasoa ai ki le fia nealasi, Ti kua lotou kofu ai ki le agamakeke ;

Taagapati 1:9

Talie ko se pala a ia o le kalasia ki lou fa ulu, Ti ko se kasoa fakateuteu a ia ki lou ua.

Taagapati 31:22

E fai e ia kiate ia ni tapi, Ti e maua e ia ni kofu silika mo velevete.

Taagapati 31:24

E fai e ia ni kofu, o fakatau, Ti e ave e ia ni kilii pipi ki le tagata faikoloa.

Katiko o Katiko 1:10

E fulumalie ou kalaafau i loto malie o kasoa, E fulumalie lou ua i loto malie o atu tuikasoa.

Katiko o Katiko 4:9

E ke fakafiafia loku loto, ei loku tuagaane, laku feauaki ; E ke fakafiafia loku loto i se tio tua tasi mai o ou mata kiate au, I se kasoa e tasi o lou ua.

Esaia 3:23

Mo tiloata tilotilo, ti mo kofu maninifi, Mo kie sai o ulu, ti mo kie sai o ua.

Selemia 52:33

Na fakatotonu loa e ia ke fetogi ona kofu mei le pilisoni, ti na kai tuumau loa Sosakini i le laupapa o le sau i le temi katoa o lona mauli.

Esekiele 27:7

Na fai ou la mo ou manumanu Ki le kie tea fakamailoga o Esipito ; Na fai ou puipui Ki ni kie na pena usi mo kula mei atu motu o Sipele.

Taniela 5:16

Na kau logo e mafai ke ke fakamatala le uiga o masau fakapulipuli ti mo le vevete o nea faigataa. I le lakaga nei, kapau e ke mafai ke ke lau le faitosi leinei ti mo ke fakamatala mai kiate au lona uiga, e fakakofu loa a koe ki le kofu kula, ti e fakatau loa se kasoa aulo ki lou ua, ti e ke maua loa le tuulaga tolu o le puleaga.

Taniela 5:29

I le nea fai lena na fakatotonu loa e Pelesatesale ke fakatui kia Taniela le kofu kula, ke fakatau ki lona ua le kasoa aulo, ti na fakasa loa i le fenua e maua e Taniela le tuulaga tolu i le puleaga.

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Luka 15:22

Kae na pati loa le tamana ki ana tagata fakasausau : Kotou aumai vave le kofu fulumalie oki, ti kotou tui a ia kiate ia ; kotou velo mo se mama ki lona maikao, ti kotou tui mo ni taka ki ona vae.

Uluaki tosi a Samuele 18:4

Na too loa e ia le taupulupulu leia na kofu e ia, o soli a ia kia Tavite ; ti na soli e ia kiate ia ona kofu, mo lana seleta foki, mo lana kalolo ti mo lona kilii pipi.