Senesi 41:38 - Tosi Tapu

³⁸ Ti na pati loa Falaone kia ana minisi : E nofo le tagata leinei mo le Laumalie o le Atua. Pe tou toe maua loa se tasi ake tagata ofaipe ia leinei ?

Senesi 41:38 ပူးပေါင်းရင်းမြစ်များ

Senesi 41:37

Na malie loa a masau ana kia Falaone mo ana minisi fuli.

Esetalasi 7:25

Ti ko koe, Esetalasi, o mulimuli ki le poto o le Atua leia e nofo mo koe, fakanofo ni tui fakamaau mo ni tagata o le lao ala e fakamaau ia i le faitotonu le kakai katoa o le fetuu lena o le vaitafe, mo latou fuli ala e iloa ia a lao o lou Atua ; ti ke ako latou ke iloa e latou ala e leaise iloa ia latou.

Sopo 32:8

Kae kua kau iloa maoki nei, i le tagata, ko le laumalie fakaatua, Ko le matagi o le gutu o le Mafimafi leia e soli ia le atamai.

Taagapati 14:35

E fiafia le sau i le tagata fakasausau poto, Kae e vilo lona ita ki leia e fakalumaluma.

Taagapati 22:29

Kapau e ke tio ki se tagata leia e poto i le gaoi, E tonu ke gaoi a ia ki le sau ; E leaise tonu ke nofo fakapulipuli a ia.

Esaia 19:11

Ko ni kau vale a aliki o Tesoane, Ti ko le fakakaukau a le kau poto a Falaone kua liliu ko se fakakaukau valea. Pe feaki lakoutou toa o pati kia Falaone : Ko le vosa au o le kau poto, ko le vosa au o sau mago ?

Taniela 4:18

Ko lena le moe miti leia na kau fai, e au, sau ko Nepukatenesale. Ti ko koe, Pelesatesale, fakasa mai kiate au lona uiga, talie na leaise mafai e le kau poto fuli o loku puleaga ke lotou tuku mai a ia. Ko koe, e ke mafai a ia, talie e iate koe le laumalie o atua maokioki.

Taniela 4:6

Na kau fakatotonu loa ke aumai ki oku mua le kau poto fuli o Papilone, ke fakamatala mai kiate au le uiga o le moe miti.

Taniela 5:11

E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Taniela 5:14

Kua kau logo o uiga mo koe, e ke maua le laumalie o atua, ti e maua iate koe le tio malama, mo se atamai, ti mo se poto kese.

Taniela 6:3

Na fakalaka Taniela i pule ti mo aliki, talie na maua iate ia se laumalie taualuga ; ti na manatu loa le sau ke fakanofo a ia ke pule ki le puleaga katoa.

Taniela 6:4

Ti na afa loa e le kau pule mo le kau aliki se faigamalie ke fakalakasala ai Taniela o uiga mo nea o le puleaga. Kae na leaise lotou maua se faigamalie, pe ko se nea ke fakalakasala ai, talie na agatonu a ia ti na leaise maua iate ia se sala pe ko se nea veli fua e tasi.

Numelo 27:18

Na pati loa le Eteleno kia Moisese : Too Sosue, vosa o Nune, ko se tagata leia e nofo ai loku Laumalie ; ti ke teki loa lou lima kiate ia.