Senesi 41:16 - Tosi Tapu

¹⁶ Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Senesi 41:16 ပူးပေါင်းရင်းမြစ်များ

Senesi 37:14

Na pati loa Iselaele kiate ia : E kau kole atu kiate koe ke ke ano o fakatele ki ou fetaina, o tio pe lotou malolo mo le kau manu ; ti ke au loa mo ni logo kiate au. Ti na kakau loa e Sakopo lona vosa ko Sosefo mei le vaivailiua o Epelone ; ti na ano loa Sosefo ki Siseme.

Senesi 40:8

Na la tali loa kiate ia : Na ma moe miti, ti e leaise tasi ke kikite ia. Na pati loa Sosefo kia laua : Ko le Atua toka tasi leia e feala ke fakamatala ia a moe miti ana kia koulua. Kolua fakamatala mai a moe miti kiate au.

Senesi 41:17

Na pati loa Falaone kia Sosefo : I laku moe miti, na kau tuu i le laugutu o le vaitafe.

Senesi 41:25

Na pati loa Sosefo kia Falaone : Ko le nea leia na moe miti ki ai Falaone ko le nea e tasi. Kua fakasa e le Atua kia Falaone le nea leia ka fai loa e ia.

Senesi 41:28

Ko leinei le nea leia e kau fakasa kia Falaone : Kua fakasa e le Atua kia Falaone le nea leia ka fai loa e ia.

Lua tosi o Sau 6:27

Na tali loa le sau : Kapau e leaise saofaki a koe e le Eteleno, ti ke feaki loa laku aga o saofaki a koe ? E leaise koi maua fua se nea kai, e leaise koi maua fua se falina pe ko se vino.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 4:2

Na kau manatu ko se nea malie ke fakasa a fakamailoga mo nea fakamanamana ala na fai e le Atua taualuga kiate au.

Sakalia 4:6

Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Luka 19:42

Ka na ke iloa fua, io, e koe, i le aso nei, a nea ala e kau ki lou tokamalie ! Kae, i le aso nei, kua munia latou ki ou mata.

Gaoi 3:12

Ko Petelo, i lana tio ki le nea lena, na masau loa ki le kakai, o pati : Tagata Iselaele, kolea e kotou punamauli ai ki le nea leinei ? Kolea e kotou tio fakamaumau mai ai kia maua, o sakinake kua ma fakasaele le tagata leinei i loma makeke pe i loma tausi malie ki le Atua ?

Gaoi 3:7

Ti na too loa e Petelo lona lima atamai, o fakatuu a ia ki aluga. I le temi fai lena, na makeke loa ona vae mo ona fatuvae ;

Uluaki tosi ki le kau Kolinto 15:10

Kae i le kalasia o le Atua, kua kau liliu o feneeki, ti na leaise ano noa lona kalasia kiate au ; mamao ai, na kau gaoi lasi ake ia latou fuli, kae na leaise ko au toka tasi, kae ko le kalasia o le Atua iate au.

Lua tosi ki le kau Kolinto 3:5

Talie ke aua na pati e ma mafai ia e maua totonu ke ma fakatupu ia se nea o sakinake e au meia maua totonu ; kae e au mei le Atua loma mafai.

Tetelonome 29:29

Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.