Senesi 40:8 - Tosi Tapu

⁸ Na la tali loa kiate ia : Na ma moe miti, ti e leaise tasi ke kikite ia. Na pati loa Sosefo kia laua : Ko le Atua toka tasi leia e feala ke fakamatala ia a moe miti ana kia koulua. Kolua fakamatala mai a moe miti kiate au.

Senesi 40:8 ပူးပေါင်းရင်းမြစ်များ

Senesi 40:9

Na fakasa loa e le pule vino lana moe miti kia Sosefo, o pati kiate ia : I laku moe miti, na kau tio na tuu se tafito vite i oku mua.

Senesi 41:25

Na pati loa Sosefo kia Falaone : Ko le nea leia na moe miti ki ai Falaone ko le nea e tasi. Kua fakasa e le Atua kia Falaone le nea leia ka fai loa e ia.

Sopo 33:23

Kae kapau e maua loa e ia se aselo ulufaga i ona tafa, Se tasi o tino afe Ala e fakasa ia ki le tagata le ala leia e tonu ke muli ai,

Pesalemo 25:14

E tuku e le Eteleno lona finegalo fufu kia latou ala e i kiate ia, Ti e fakasa e ia kia latou lana sai.

Esaia 8:19

Kapau e pati atu kia koutou : Kotou afa kia latou ala e felogoi mo le kau mate ti mo latou ala e kikite ia le apogipogi, Ala e fai ia ni mapu mo ni mumusu. Kotou tali : Pe leaise totonu koia ke afa e le kakai ki lona Atua ? Pe totonu koia ke afa ki le kau mate kae tiaki leia e mauli ?

Taniela 2:11

E faigataa le nea leia e kole e le sau, e leaise feala ke fakasa e se tasi le nea lena ki le sau, e gato tasi ki atua, ala e leaise tuu lolatou nofoaga i lotolotoga o tagata.

Taniela 2:27

Na tali loa Taniela i mua o le sau, o pati : Ko le nea leia e kole e le sau ko se nea fakafufu, ti e leaise mafai e le kau poto, mo le kau sivi fetuu, mo le kau masi, mo le kau kikite, ke fakamatala ia ki le sau.

Taniela 2:28

Kae e i ai i le lagi se Atua leia e fakasa ia a nea fakafufu, ti kua fakasa e ia ki le sau ko Nepukatenesale le nea leia ka soko mai loa i temi ki muli. Ko leinei lau moe miti mo nea ala na ke tio ki ai i lou moeaga.

Taniela 2:3

Ti na pati loa le sau kia latou : Na kau fai se moe miti ; ti e mamae loku loto, ti e kau loto ke kau iloa le moe miti lena.

Taniela 2:47

Ti na masau loa le sau kia Taniela, o pati : E maoki, ko lokoutou Atua ko le Atua a ia o atu atua ti ko le Aliki a ia o atu sau, ti e fakasa e ia a nea ala e fufu, talie kua ke mafai ia le fakasa o le nea fakafufu leinei.

Taniela 4:8

Na kaku fakamuli loa o aumai ki oku mua a Taniela, leia e igoa ko Pelesatesale, o mulimuli ki le igoa o loku atua, ti na maua iate ia le laumalie o atua maokioki. Na kau fakamatala loa kiate ia le moe miti :

Taniela 5:16

Na kau logo e mafai ke ke fakamatala le uiga o masau fakapulipuli ti mo le vevete o nea faigataa. I le lakaga nei, kapau e ke mafai ke ke lau le faitosi leinei ti mo ke fakamatala mai kiate au lona uiga, e fakakofu loa a koe ki le kofu kula, ti e fakatau loa se kasoa aulo ki lou ua, ti e ke maua loa le tuulaga tolu o le puleaga.

Amosi 3:7

Talie e leaise fai e le Aliki, le Eteleno, se nea e tasi, Kae e leikiaise fakasa e ia a ia ki ana tagata fakasausau ko le kau polofeta.