Senesi 40:19 - Tosi Tapu

¹⁹ Koi toe loa ni aso e tolu, ti e too loa e Falaone lou tuulaga iate koe. E tautau loa a koe ki se laakau, ti e au loa a manu lele o le lagi o kai lou tino.

Senesi 40:19 ပူးပေါင်းရင်းမြစ်များ

Senesi 40:13

Koi toe loa ni aso e tolu, ti e toe siki loa a koe e Falaone ki se tuulaga mauiga, ti e ke toe nofo loa ki lou tuulaga mua. E ke toe fakatoo loa le ipu ki le lima o Falaone, ofaipe lau fai masani i mua, i le temi leia na ke pule vino ai.

Senesi 40:17

Ko le kete leia na teki oki i aluga na apele i ni kato malilie kesekese, ala e fia kai ki ai Falaone. Kae na au loa a manu lele o le lagi, o kai a kato i loto o le kete, i aluga o loku ulu.

Senesi 40:18

Na tali loa Sosefo : Ko leinei lona fakamatala : Ko kete e tolu ko aso ana e tolu.

Senesi 40:20

Na sili loa a aso e tolu, ti na fakamanatu loa le aso tupu o Falaone, ti na fai loa e ia se kaitasi ki ana minisi fuli. Ti na lagai loa e Falaone le ulu o le pule vino mo le ulu o le pule pane ki ni tuulaga mauiga :

Senesi 40:22

kae na fakatotonu loa e ia ke tautau le pule pane ki se laakau. Na soko fuli loa a nea ala na fakasa e Sosefo.

Senesi 41:13

Ti na soko loa a nea fuli ala na fakasa e ia o mulimuli ki lana fakamatala kia maua. Na toe fakanofo loa au e Falaone ki loku tuulaga, kae na tautau loa le pule pane ki le laakau.

Lua tosi a Samuele 21:10

Na too loa e Litesipa, taine o Asa, se taga o folasi i aluga o le fatu ti na nofo loa a ia i ai, mei le kamataaga o le tuuti o le fulumeto o kaku ki le to o ua ki tino o latou ala na tautau ; ti na leaise tuku loa e ia ke fakafeofi a manu lele o le lagi ki tino mate i le ao, ti na kapu loa e ia a manu o le vao i le pouli.

Lua tosi a Samuele 21:6

ke tuku mai kia matou ni tagata e toka fitu i lona sokoga ti e motou tautau loa latou i mua o le Eteleno i Kipea o Saulo, le filifiliia a le Eteleno. Ti na pati loa le sau : E kau tuku atu loa latou.

Taagapati 30:17

Ko le mata leia e gologolo ki se tamana, Ti e leaise fakanoa ia le patigaofie ki se tinana, E kapei loa a ia e le kolopo o le liua, Ti e kai loa a ia e uviki o le akuila.

Esekiele 39:4

E ke mate loa i mauga o Iselaele, A koe mo au kau solia fuli, Ti mo kakai fuli ala e kau mo koe ; E kau soli loa a koe ko le nea kai a manu lele fekai fuli, Ti mo manu o faisaga.

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Sosue 10:26

I le oki le nea lena, na taai loa latou e Sosue, o lotou mamate ai loa ; na tautau loa e ia latou ki ni laakau e lima, ti na lotou tautau loa i ai o kaku ki le afiafi.

Sosue 8:29

Na tautau e ia ki se laakau le sau o Ai, o tuku a ia i ai o kaku ki le afiafi. I le vilo o le laa na tuku loa e Sosue le fakatotonu ke tatala le tino mei le laakau. Ti na ti loa a ia ki tafa o le matapa o le kolo, ti na fakatuu loa i ona aluga se tuuga fatu lasi, leia koi tuu i le aso nei.

Uluaki tosi a Samuele 17:44

o toe pati : Au kiate au, ti e kau soli loa lou tino ke kai e manu lele o le lagi mo manu o faisaga.

Uluaki tosi a Samuele 17:46

I le aso nei, e tuku loa a koe e le Eteleno ki oku lima, e kau tamate loa a koe ti e kau tuuti ia loa lou ua ; i le aso nei e kau soli loa a mate o le solia a le kau Filisitini ki manu lele o le lagi mo manu o le kele. Ti e iloa loa e le malama nei katoa e i ai le Atua o Iselaele.