Senesi 40:13 - Tosi Tapu

¹³ Koi toe loa ni aso e tolu, ti e toe siki loa a koe e Falaone ki se tuulaga mauiga, ti e ke toe nofo loa ki lou tuulaga mua. E ke toe fakatoo loa le ipu ki le lima o Falaone, ofaipe lau fai masani i mua, i le temi leia na ke pule vino ai.

Senesi 40:13 ပူးပေါင်းရင်းမြစ်များ

Senesi 40:1

I le oki o nea ana, na fai loa e le pule vino mo le pule pane o le sau o Esipito, se sala ki lola pule, le sau o Esipito.

Senesi 40:12

Na pati loa Sosefo kiate ia : Ko leinei le fakamatala o lau moe miti : Ko laa vite e tolu ko aso ana e tolu.

Senesi 40:14

Kae kau kole atu kiate koe, ke ke manatu mai loa kiate au, i le aso leia e ke manuia ai loa. Ke ke fakasa lou alofa kiate au, o masau kia Falaone o uiga mo au, ke kau mavae la i le fale pilisoni leinei ;

Senesi 7:4

Talie, koi toe fua ni aso e fitu, ti e kau fakato ia loa le ua ki le kele i aso e kau fa mo po e kau fa, ti e kau fakapuli loa i aluga o le kele a nea fuli ala na kau fakatupu ia.

Lua tosi o Sau 25:27

I le fetuu kau tolu tupu fitu o le popula o Sosakini, sau o Suta, i le aso kau lua tupu fitu o le kau agafulu tupu lua o masina, na toe lagai loa e Evile-Melotake, sau o Papilone, i le uluaki fetuu o lana sau, le fa ulu o Sosakini, sau o Suta, o fakamavae a ia mei le pilisoni.

Pesalemo 3:3

E toka api latou ala e masau o uiga mo au : E leaise toe maua se fakamauli kiate ia i tafa o le Atua ! -Manava.

Selemia 52:31

I le fetuu kau tolu tupu fitu o le popula a Sosakimi, sau o Suta, i le aso kau lua tupu lima o le masina kau agafulu tupu lua, na lagai loa e Evile-Melotake, sau o Papilone, le ulu o Sosakini, sau o Suta, o fakamavae a ia mei le pilisoni, i le uluaki fetuu o lana sau.