Senesi 4:4 - Tosi Tapu

⁴ Ti na fai foki e Apele, i lona potu, sana failaulau ki uluaki tupu o lana kau manu ti mo olatou gako. Na tali loa e le Eteleno a Apele mo lana failaulau.

Senesi 4:4 ပူးပေါင်းရင်းမြစ်များ

Senesi 15:17

I le galo o le laa, na vilo loa se fakapouli lasi ; ti fokifa kua sa loa se afi kaka leia na kokofu mo ulaula, o fakalaka i loto malie o manu ala na paipaisi.

Senesi 4:3

I se aso, na fai loa e Kaino ki le Eteleno sana failaulau ki ni fua o le kele.

Uluaki tosi o Sau 18:24

Ti kotou kalaga loa ki le suafa o lokoutou atua ; ti ko au, e kau kalagai loa le suafa o le Eteleno. Ko le Atua leia e tali mai loa ki le afi, ko ia loa leia e Atua. Ti na tali loa le kakai katoa : E malie !

Uluaki tosi o Sau 18:38

Ti na vilo loa le afi a le Eteleno o tutu le failaulau, mo le fafie, mo fatu, ti mo le kele, ti na malo loa le vai leia na tafe i le kanivo.

Uluaki tosi o Koloniko 21:26

Na fakatuu loa e Tavite se aletale ki le Eteleno, ti na momoli loa e ia ni failaulau mo ni sakilifisio fakafetai. Na kalaga loa a ia ki le Eteleno, ti na tali loa le Eteleno kiate ia ki le afi, leia na ifo loa mei le lagi, o tutu le failaulau i aluga o le aletale.

Lua tosi o Koloniko 7:1

I le oki o le faikole a Salomone, na ifo loa le afi mei lagi o tutu le failaulau mo sakilifisio, ti na fakaapele loa le fale katoa e le kololia o le Eteleno.

Pesalemo 20:3

Ke kakau mai e ia mei le sagatualio le fakamauli kiate koe ! Ke tokoi a ia kiate koe mei Sione !

Ekesote 13:12

e ke vaei kese loa ki le Eteleno a uluaki fuli, tatau foki mo uluaki fuli o manu ala e ke maua loa : E maua loa e le Eteleno a manu tagata.

Taagapati 3:9

Fakamauiga le Eteleno ki au nea malilie, Ti mo uluaki fua o nea fuli o lau gaoi :

Ekelesiasi 4:4

Na kau tio foki e gaoi pakia mo fakamalotoloto le tagata i ana gaoi o tupu ata ko lona finenonofo ki lona oloi. Ko se tasi foki a ia vaiga mo tuli o le matagi.

Levitiko 9:24

Na mavae loa se afi mei mua o le Eteleno, o tutu le failaulau mo gako i aluga o le aletale. Na tio loa le kakai katoa ki le nea lena ; ti na lotou kalaga loa i le fiafia, ti na lotou punou loa o fakatau olatou mata ki le kele.

Numelo 16:15

Na ita lasi ai Moisese, ti na pati loa a ia ki le Eteleno : Aua na ke tali alatou moliga. Na leaise kau too se asino fua e tasi ia latou, ti na leaise kau fai se nea veli fua e tasi ki se toka tasi o latou.

Numelo 16:35

Na au loa se afi mei le Eteleno, o tutu le kau tagata e tino lelau lua tino lima, leia na momoli ia le kaloni.

Numelo 18:12

E kau soli kiate koe a uluaki fua ala e lotou momoli loa ki le Eteleno : le lolo leia e malie tukupau, mo le vino foou leia e malie tukupau, ti mo le falina leia e malie tukupau.

Numelo 18:17

Kae e leaise ke fakatotogi ia loa le uluaki o le pipi fafine, mo le uluaki o le ovi fafine, mo le uluaki o le koti fafine : ko nea maokioki ana. E ke liligi loa olatou toto i aluga o le aletale, ti e ke tutu loa olatou gako : ko se sakilifisio tutu e le afi, ko se nea manogi malie a ia ki le Eteleno.

Epelo 11:4

Ko le tui leia na momoli ai e Apele ki le Atua se sakilifisio leia e malie tukupau ake i leia a Kaino ; ko le tui leia na fakasa ai a ia ko le agatonu, o tali e le Atua ana moliga ; ko le tui leia koi masau ai a ia, logo ai kua mate.

Epelo 9:22

Ti na teitei a nea fuli ke fakamea ki le toto, o mulimuli ki le lao, talie kapau e leaise liligi se toto, ti e leaise maua se fakamolemole.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Tuifakamaau 6:21

Na falo loa e le aselo o le Eteleno le tokotoko leia na too e ia i lona lima o fakalave lona tumutumu ki le kanoi manu mo pane sala fakatupu. Ti na mafuta loa le afi i le fatu, o tutu le kanoi manu mo pane sala fakatupu. Ti na puli loa le aselo o le Eteleno i ona mata.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.