Senesi 4:14 - Tosi Tapu

¹⁴ Ko leinei e ke kapu au i le aso nei i le kele leinei ; ti e tonu loa ke kau mumuni o mamao mo koe ; e kau liliu loa ko se nea sese mo foli noa i fuga o le kele, ti ka maua loa au e se tasi, ti e tamate loa e ia au.

Senesi 4:14 ပူးပေါင်းရင်းမြစ်များ

Senesi 3:24

I le oki o le kapu o Atama, na fakatuu loa e le Atua i le potu esite o le oloto o Eteni ni selupino, ke leo ia le ala ki le laakau o le mauli.

Senesi 4:13

Na pati loa Kaino ki le Eteleno : E mamafa ai loku tua, e leaise mafai ke kau amo a ia.

Lua tosi a Samuele 14:7

Ti ko leinei, kua malaga mai le famili katoa ki lau fafine fakasausau, o pati : Tuku mai nei leia na tukipo ia lona taina ! E motou loto ke tamate a ia ke taui ai le mauli o lona taina leia na tamate e ia ; e motou loto ke maumaui foki mo lona sakoga ! E lotou tamate ai loa le ga malala leia koi kaka iate au, ti e leaise toe maua loa se sakoga o loku avaga i aluga o le kele.

Pesalemo 109:10

Ke taka noa ana fanau i le ala, ti ke lotou kaiisi, Ke lotou afa lalatou pane o mamao i lolatou nofoaga maumau !

Pesalemo 109:12

Ke aua na taupau e se tasi se manava alofa kiate ia, Ti ke aua na alofa se tasi ki ana fanau sala matua !

Pesalemo 143:7

Ke ke vave o tali mai kiate au, ei Eteleno ! E okioki loku laumalie. Aua na ke fufu mai kiate au ou mata ! E kau tatau loa mo latou ala e ifo ki le popoko.

Taagapati 14:32

E vilo le tagata agaveli o tupu ko lana agaveli, Kae e maua e le tagata agatonu se mumuniaga i lona mate.

Taagapati 28:1

E sola le tagata agaveli kae e leaise tuli a ia e se tasi, Kae e loto toa le tagata agatonu ofaipe se laione muli.

Esaia 8:22

Ti e toe tio loa a ia ki le kele, Ti ko leinei, ko le mamae, mo le fakapouli, mo tuania fakaii : E tuku loa a ia ki se fakapouli matotolu.

Selemia 52:3

Ti na soko loa le nea lena o tupu ko le sausau o le Eteleno ki Selusalemi mo Suta, ala na loto a ia ke tiaki mei ona mata. Ti na agatuu loa Setesiasi ki le sau o Papilone.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:36

E kau fakagaegae ia loa a loto o latou ala o koutou e mauli loa i fenua o olatou fili ; e lotou sosola loa i le ga pakaka fua o se lau laakau i le matagi ; e lotou fesolaki loa ofaipe le fesolaki i mua o le fili i le tau, ti e lotou sisiga loa ki le kele kae e leaise tuli latou e se tasi.

Numelo 35:19

E tamate loa e le tagata totogi toto le tagata tukipo ; mo ka maua loa e ia a ia.

Numelo 35:21

pe taai loa e ia ki lona lima i lona vesia, o tupu ai le mate, e fakatuaa loa le tagata tukipo ki le mate, talie ko se tukipo a ia. E tamate loa a ia e le tagata totogi toto mo ka maua loa e ia a ia.

Numelo 35:27

ti kapau e felavei loa a ia mo le tagata totogi toto i fafo o le kolo ulufaga, ti e aga loa le tagata totogi toto o tamate le tagata tukipo, e leaise agasala loa le tagata totogi toto i le nea lena.

Mateo 25:41

Ti oki, ti e pati loa a ia kia latou ala e tutuu loa i lona fetuu sema : Kotou fakamamao atu iate au, kau malaia ; kotou ano ki le afi lee gato leia na teuteui ki le Tiapolo mo ana aselo.

Mateo 25:46

Ti e ano loa latou anei ki le tautea lee gato, kae e ano loa le kau agatonu ki le mauli lee gato.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 28:65

I puleaga ana, e leaise ke fimalie loa ti e leaise ke maua loa se ganea leia ke malolo ai ou alofivae. Kae e tuku loa e le Eteleno kiate koe se loto lulu, mo ni mata gaegae, mo se loto mamae.

Lua tosi ki le kau Tesalonika 1:9

E tautea loa latou ki se maumau lee gato, o mamao mei mata o le Aliki ti mo le kololia o lona makeke,