Senesi 39:9 - Tosi Tapu

⁹ E leaise lasi ake a ia iate au i le fale leinei, ti e leaise tapui e ia se nea kiate au, gato fua kiate koe, talie ko lana avaga a koe. E feaki loa ke kau fai se nea veli fenaaki kiate ia, ti ke kau toe agasala ai ki le Atua ?

Senesi 39:9 ပူးပေါင်းရင်းမြစ်များ

Senesi 13:13

Na agaveli le kakai o Sotoma, mo agasala lasi ki le Eteleno.

Senesi 20:3

Kae na sa loa le Atua i se moe miti kia Apimeleke i le pouli, o pati kiate ia : Ko leinei, e ke mate loa o tupu ko le fafine leia kua ke aga o too, talie e i ai lona avaga.

Senesi 20:6

Na pati loa le Atua kiate ia i le moe miti : E kau iloa na ke fai le nea lena i se loto mea ; koia na kau taofi ai a koe ke aua na ke agasala kiate au. Koia foki leia na leaise kau fakataga ai ke ke fafa ki le fafine.

Senesi 20:9

Ti na toe kalagai foki e Apimeleke a Apalaamo, o pati kiate ia : Kolea le nea leia kua ke fai kia matou ? Kolea laku sala kua fai kiate koe ke ke tuku ai kiate au mo loku puleaga se agasala lasi fenaaki ? Kua ke fai kiate au se nea leia e leaise tonu ke fai.

Senesi 24:2

Na pati loa Apalaamo ki lana tagata fakasausau, leia na matua i lona fale, leia na pule ki ana nea fuli. E kau kole atu kiate koe, ke ke velo mai lou lima ki lalo o loku tega ;

Senesi 39:10

Logo ai na masau le fafine i aso fuli kia Sosefo, kae na fakafiti aifai a ia, ke momoe mo ia, pe ke ofi kiate ia.

Senesi 41:40

Koia e kau fakanofo a koe ke pule ki loku puleaga, ti e fakalogo loa loku kakai katoa ki au fakatotonu. E kau malaga fua iate koe i le ekeekeaga fakasau.

Senesi 42:18

I le tolu o aso, na pati loa Sosefo kia latou : Kotou fai le nea leinei, ti e kotou mauli loa. E kau i ki le Atua !

Lua tosi a Samuele 11:27

I le oki o le putu, na kakau loa e Tavite ke afa mai a ia, ti na fakaulu loa e ia a ia ki lona fale. Na liliu loa Pate-Sepa ko lana avaga, ti na fanaui loa e ia kia Tavite se tama. Kae na veli ai ki le Eteleno le nea leia na fai e Tavite.

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Neemia 5:15

Kae ko kovana ala na muamua iate au na fakamamae ia le kakai ki le tukusau lena, o lotou tali mei le kakai le pane, mo le vino ti mo fa sikele paaga e kau fa ; io, na fakavelivelii e alatou tagata fakasausau le kakai. Na leaise kau fai fua le nea lena, talie na kau i ki le Atua.

Neemia 6:11

Na kau tali loa : E leaise ko se tagata au ke sola ! Pe mafai loa ki se tagata pe au ke ulu ki le sagatualio kae mauli ? E leaise kau ulu loa.

Sopo 31:23

Talie e fakaii ai le tua a le Atua kiate au, Ti e leaise mafai ke kau fai se nea i mua o lona agai.

Pesalemo 51:4

Ke ke fufulu katoa au i laku agaveli, Ti ke ke fakamea au i laku agasala.

Ekesote 20:14

Aua na ke tono.

Taagapati 6:29

E tatau foki mo leia e ano ki le avaga o lona oloi : Ko leia e fafa kiate ia e leaise nofo loa sala tautea.

Taagapati 6:32

Kae ko leia e momoe mo se fafine avaga e sala atamai ; I lana fai le nea lena e maumaui e ia lona laumalie totonu ;

Ekelesiasi 7:26

Ti na kau maua foki e kona ake i le mate le fafine leia e tatau lona loto mo se masele ti mo se kupega, ti e tatau ona lima mo ni sai. Kae ko leia e malie ki mata o le Atua e sao loa mei le fafine lena, kae e piki ia loa le tagata agasala i lana masele.

Selemia 28:16

Koia e folafola le Eteleno, o pati : Ko leinei, e kau kapu a koe mei le kele ; ti e ke mate loa i le fetuu leinei, o tupu ko au folafola ko se agatuu latou ki le Eteleno.

Selemia 50:7

Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Levitiko 6:2

Tuku le fakatotonu leinei kia Alone mo ona vosa, o pati : Ko leinei le lao ki le failaulau. E tuku loa le failaulau i aluga o le aletale i le po katoa o kaku ki le usu, ti e kaka loa le afi i le aletale.

Numelo 32:23

Kae kapau e leaise kotou fai fenaaki loa, e kotou agasala loa ki le Eteleno ; ti ke kotou iloa e toe maua loa koutou e lakoutou agasala.

Luka 12:48

Kae ko leia, na leaise iloa ia le finegalo o le pule, kae na fai e ia ni nea ala e tonu ke tautea, e tamate loa a ia ki ni fa ta teiki. E afa lasi loa ki leia na soli lasi ki ai, ti e fakaala lasi loa ki leia na fanaki lasi ki ai.

Uluaki tosi ki le kau Kolinto 4:2

Ti ko le nea foki leia e kole ki ni tagata tausi koloa, ke lotou tasi agatonu i lana gaoi.

Tito 2:10

ke aua na lotou kaia, kae ke lotou fakasa tuumau se agatonu mo agamalie tuumau kia latou i nea fuli, o tupu ke lotou fakasa i nea fuli le kololia o le akonaki a le Atua ko lotatou Fakamauli.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Uluaki tosi a Soane 3:9

Ko leia na tupu mei le Atua, e leaise mauli a ia i le agasala, talie e nofo mau le pulapula o le Atua iate ia ; ti e leaise feala ke mauli a ia i le agasala, talie na tupu a ia mei le Atua.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !