Senesi 39:6 - Tosi Tapu

⁶ Ti na tuku loa e Potifale ana nea fuli ki lima o Sosefo, ti na leaise toe tokaga loa a ia ki se nea, gato fua ki le too o lana nea kai. Na kuaga malie a Sosefo mo tupulaga.

Senesi 39:6 ပူးပေါင်းရင်းမြစ်များ

Senesi 29:17

Na mata fuluveli a Lea, kae na fuafuamalie mo fulumalie a Lasele.

Senesi 39:23

Na leaise toe tokaga loa le pule o le fale pilisoni ki nea ala kua tuku ki lima o Sosefo, talie na nofo le Eteleno mo ia. Ti na fakamanuia loa e le Eteleno a nea fuli ala na fai e ia.

Senesi 39:4

Na malie ai Sosefo ki mata o lona pule, leia na fakagaoi ia loa a ia kiate ia, ti na fakanofo ia loa a ia ke pule ki lona fale, ti na tuku ia loa ki ona lima ana nea fuli.

Senesi 39:8

Kae na fakafiti loa a ia, o pati ki le avaga o lona pule : Ko leinei, e leaise afa mai fua e loku pule kiate au se nea i lona fale, talie kua tuku mai e ia ana nea fuli ki oku lima.

Senesi 43:32

Na kai kese fai Sosefo, ti na kai kese ona fetaina, ti na toe kai kese le kau Esipito ala na fakaafe ki lona fale, talie na leaise taga ke kai fakatasi le kau Esipito mo le kau Epeleo, talie na fakalialia ai le nea lena kia latou.

Taagapati 31:11

E fanaki maoki le loto o lona avaga kiate ia, Ti e leaise maumaui e ia sana nea.

Luka 16:10

Ko leia e agatonu i nea liliki e toe agatonu foki a ia i nea lalasi, ti ko leia e lee agatonu i nea liliki e toe lee agatonu foki a ia i nea lalasi.

Luka 19:17

Na pati loa le sau kiate ia : Malie, tagata fakasausau agamalie ; talie na ke agatonu i se ganea ikiiki, tali e koe le pule ki ni kolo e kau agafulu.

Gaoi 7:20

I le temi lena, na tupu loa Moisese, leia na fulumalie ki mata o le Atua. Na fagai loa a ia i ni masina e tolu i le fale o lona tamana ;

Uluaki tosi a Samuele 16:12

Na kakau loa e Isaia ke ano o afa mai a ia. Ko leinei, na kena a ia, mo mata malie, mo fuafua tatau. Na pati loa le Eteleno kia Samuele : Tuu ki aluga, pani a ia ki le lolo talie ko ia lena !

Uluaki tosi a Samuele 17:42

Na tagaki loa le Filisitini, o tio kia Tavite, ti na nukinuki a ia kiate ia : Talie na koi toe a ia, mo ulu kena, mo mata fulumalie.