Senesi 39:14 - Tosi Tapu

¹⁴ na kalaga loa a ia ki le kakai o le fale, o pati kia latou : Kotou tio, kua aumai e ia se tagata Epeleo ke kakaai ia tatou. Na au le tagata lena kiate au ke momoe mo au, kae na kau kalaga o leo lasi.

Senesi 39:14 ပူးပေါင်းရင်းမြစ်များ

Senesi 10:21

Na tupu foki ni vosa kia Semi, ko le taina mua o Safeti. Ko le tamana a ia o vosa fuli o Epele.

Senesi 14:13

Na au loa se tagata na sola o fakasa le nea lena kia Apalamo, le tagata Epeleo ; kae na nofo Apalamo i le ulu sene o Mamele, le tagata Amole, ko le taina o Esekoli mo Anele, ala na kau mo Apalamo.

Senesi 39:13

I le tio a le fafine kua sola Sosefo ki fafo, kae na tiaki e ia lona kofu i ona lima,

Senesi 39:15

I lana logo ki laku kalaga leo lasi, na tiaki loa e ia lona kofu i oku tafa kae sola a ia ki fafo.

Senesi 39:17

Ti na pati loa a ia ki lona avaga : Ko le tagata fakasausau Epeleo leia na ke aumai kia tatou, na au kiate au ke momoe mo au ;

Senesi 39:7

I le sili o nea ana, na laukau loa le avaga o lona pule kia Sosefo, ti na pati loa a ia kiate ia : Au ke ta momoe !

Senesi 40:15

talie na aumai fakamakeke au mei le fenua o le kau Epeleo, ti i le fenua leinei, na leaise kau fai se nea veli i le fenua leinei ke fakapilisoni ai au.

Pesalemo 120:3

Kolea e soli atu kiate koe e se alelo kaka, Kolea e ke maua ia i se alelo kaka ?

Pesalemo 35:11

Kua tuu ki aluga ni kau fakamaoki loi : E lotou vesili kiate au le nea leia e leaise kau iloa.

Pesalemo 55:3

Ke ke fakalogo mai kiate au, ti ke ke tali mai kiate au ! E kau lauga i loku mamae, ti e kau tagi kalaga,

Taagapati 10:18

Ko leia e fufu ia le vesia e maua ia ni laugutu loi, Ti ko leia e fakamafola ia ni fatufatu ko se tagata valea.

Esaia 51:7

Kotou fakalogo mai kiate au, koutou ala e iloa ia le faitotonu, Kakai, leia e nofo mo laku lao i lou loto ! Aua na kotou i ki le valoki a tagata, Ti aua na kotou lulu i mua o alatou lauveli.

Esaia 54:17

E noa loa a masafu tau fuli na fau ke tau kiate koe ; Ti ko alelo fuli ala e malaga ake loa kiate koe i le fakamaauaga E ke tautea loa latou. Ko lena le tofiga o tagata fakasausau a le Eteleno, Ko lena le fakamauli leia e au loa meiate au kia latou, E pati le Eteleno.

Esekiele 22:5

E kakata loa kiate koe latou ala e feofi mo latou ala e mamao, kiate koe leia kua kelekele lou igoa ti kua apele i le mamae.

Mateo 26:59

Na afa loa e le kau pule faisakilifisio mo le fono lasi katoa ni fakamaoki loi kia Sesu, ke tamate ai.

Mateo 5:11

Manuia loa koutou, mo ka pativelii loa koutou, mo ka fakavelivelii loa koutou pe lau loa kia koutou a veli kesekese, o tupu ko au.

Luka 23:2

Na lotou kamata fakalakasala loa a ia, o pati : Na motou maua le tagata leinei e fakatupu maveuveu ki le kakai, o tapui e ia le totogi o le tukusau kia Sesale, ti na pati a ia ko ia ko Kilisito, ko se sau.

Lua tosi ki le kau Kolinto 6:8

i loto malie o le kololia mo le matagafua, i loto malie o le logologona malie mo le logologona veli ; ofaipe ni tagata kaka, kae e ma maoki ;

Uluaki tosi a Petelo 2:20

Talie ko le kololia fea leia e maua i le tali o ni mamae mo ni fakaveliveli o tupu ko le fai o ni nea ala e veveli ? Kae kapau e kotou mamae talie e kotou fai le nea leia e malie, ko se kalasia a ia i mua o le Atua.