Senesi 38:26 - Tosi Tapu

²⁶ Na iloa loa e Suta a nea ana, ti na pati loa a ia : E ikiiki ake lana sala iate au, talie na leaise kau soli a ia ki loku vosa ko Sela ! Ti na leaise toe ano loa Suta kia Tamale.

Senesi 38:26 ပူးပေါင်းရင်းမြစ်များ

Senesi 37:33

Na iloa loa e Sakopo le kofu, ti na tagi loa a ia, o pati : Ko le kofu a ia o loku vosa ! Kua kai a ia e se manu fekai !

Senesi 38:14

Ti na tatala loa e Tamale ona teu fakalokonui, ti na puloui loa e ia ona mata ki se kie, ti na ano loa a ia o tonatona i le matapa o Enaimi, leia na tuu i le ala o Timina ; talie na tio a ia kua lasi a Sela, kae na leaise soli a ia e Suta ke avaga mo Sela.

Senesi 4:1

Na iloa loa e Atama a Eva, lana avaga ; ti na tinae loa a Eva, ti na fanaui loa e ia a Kaino, ti na pati loa a ia : Kua kau maua ia se tagata mei le Eteleno.

Lua tosi a Samuele 16:22

Na fakatuu loa kia Apesalone se falela i le ato o le fale sau, ti na momoe loa Apesalone i ai mo avaga o lona tamana, i mata o Iselaele katoa.

Lua tosi a Samuele 20:3

Na ulu loa Tavite ki lona fale sau i Selusalemi. Na too loa e le sau ana fafine tinifu e tino agafulu ala na tuku e ia ke leoleo ia le fale sau, ti na tuku loa e ia latou ki se ganea leia na leo ; na tokaga loa a ia ki nea ala na aoga kia latou, kae na leaise toe ano loa a ia kia latou. Ti na fakamau loa e ia latou i ai o kaku ki lolatou mamate, ti na lotou mauli loa ofaipe ni lokonui.

Lua tosi a Samuele 24:17

I le tio a Tavite ki le tamate e le aselo o le kakai, na pati loa a ia ki le Eteleno : Ko leinei, kua kau agasala ! Ko au leia e sala ; kae ko ovi ana, kolea le nea na lotou fai ? Ke vilo lou lima kiate au mo le fale o loku tamana !

Sopo 4:5

Ka ko leinei kua soko a ia kiate koe totonu, ti kua ke gaegae ! Ko leinei kua kaku mai kiate koe le malaia, ti kua ke i !

Sopo 40:5

Ke ke kofu ki le fulumalie mo le mauiga, Io, ke ke kofu ki le gigila mo le kololia !

Esekiele 16:52

A koe leia na fakatuaa ia ou fetaina, tali lou luma, o tupu ko au agasala ala na ke liliu ai o fakalialia ake ia latou, ti na fakasa ia e lotou agatonu ake iate koe : Io, ke ke tali lou luma mo lou fakataulaloi, o tupu kua ke fakamatatonu ia ou fetaina.

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Mateo 3:8

Kotou fakatupu mua se fua leia e gali ti mo feauga mo le fakasemala,

Soane 8:9

I lalatou logo ki le nea lena, na valoki loa latou e lolatou loto, ti na lotou tasi ano loa, o kamata mei le kau matua ki le kau muli ; ti na nofo loa Sesu toka tasi mo le fafine leia na tuu i lotomalie.

Loma 13:12

Kua vave fua le oki o le pouli, kua ofi fua le ao. Koia ke tou tiaki ai a gaoi o le pouli, kae ke tou tui a masafu o le malama.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Uluaki tosi a Samuele 24:17

I le oki o le masau a Tavite kia Saulo, na pati loa Saulo : Pe ko lou leo totonu ei loku vosa ko Tavite ? Ti na siki ake loa e Saulo lona leo, o tagi.

Uluaki tosi a Samuele 24:18

Ti na pati loa a ia kia Tavite : E ke faitotonu ake iate au ; talie na ke fai kiate au le nea malie, kae ko au na kau fai kiate koe le nea veli.