Senesi 38:24 - Tosi Tapu

²⁴ Na sili loa ki ai ni masina e tolu, ti na fakasa loa kia Suta : Kua faiaga lou fugao ko Tamale, ti ko leinei kua tinae a ia i lana faiaga. Ti na pati loa Suta : Kotou aumai a ia ke tutu mauli !

Senesi 38:24 ပူးပေါင်းရင်းမြစ်များ

Senesi 20:3

Kae na sa loa le Atua i se moe miti kia Apimeleke i le pouli, o pati kiate ia : Ko leinei, e ke mate loa o tupu ko le fafine leia kua ke aga o too, talie e i ai lona avaga.

Senesi 20:7

I le aso nei, ke ke toe fakaliliu le fafine ki lona avaga ; talie ko se polofeta a ia, ti e faikole loa a ia kiate koe, ti e ke mauli loa. Kae kapau e leaise ke toe fakaliliu a ia, ke ke iloa e ke mate loa, a koe mo latou fuli ala e kau ki lou fale.

Senesi 20:9

Ti na toe kalagai foki e Apimeleke a Apalaamo, o pati kiate ia : Kolea le nea leia kua ke fai kia matou ? Kolea laku sala kua fai kiate koe ke ke tuku ai kiate au mo loku puleaga se agasala lasi fenaaki ? Kua ke fai kiate au se nea leia e leaise tonu ke fai.

Senesi 34:31

Na la tali loa kiate ia : Pe tonu ke fai lomatou tuagaane pe se fafine faiaga ?

Senesi 38:23

Na pati loa Suta : Ke taupau e ia a nea ana ma ana ! E leaise tonu ke katai tatou. Ko leinei, na kau ave le uviki koti, kae na leaise ke maua a ia.

Lua tosi a Samuele 12:5

Na malaga loa le ita o Tavite, o mu ki le tagata lena, ti na pati loa a ia kia Natane : E mauli le Eteleno ! E tonu ke mate le tagata leia na fai ia le nea lena.

Lua tosi a Samuele 12:7

Ti na pati loa Natane kia Tavite : Ko koe le tagata lena ! Ko leinei le folafola a le Eteleno, le Atua o Iselaele : Na kau pani lolo a koe ke ke nofo ko le sau o Iselaele, ti na kau saofaki a koe mei le lima o Saulo ;

Ekelesiasi 7:26

Ti na kau maua foki e kona ake i le mate le fafine leia e tatau lona loto mo se masele ti mo se kupega, ti e tatau ona lima mo ni sai. Kae ko leia e malie ki mata o le Atua e sao loa mei le fafine lena, kae e piki ia loa le tagata agasala i lana masele.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 3:8

Logo ai na kau kapu le fafine agatuu ko Iselaele, o tupu ko ana faiaga fuli, ti na kau soli kiate ia lona tosi mavete, na kau tio na leaise maua fuai e lona taina kaka ko Suta se i, kae na toe ano foki mo ia, o toe faiaga.

Esekiele 16:15

Kae na ke fanaki loa ki lou fulumalie, ti na ke fakaaoga loa lou logologona, o faiaga ; na ke faiaga loa mo latou fuli ala na fakalaka i ou tafa, ti na ke soli a koe kia latou.

Esekiele 16:25

Na ke fakatuu ou ganea taualuga i uluaga o ala fuli, ti na ke maumaui lou fulumalie, ti na ke soli a koe kia latou fuli ala na fakalaka i ou tafa, ti na ke liuliuga au faiaga.

Esekiele 16:26

Na ke faiaga ki le kau Esipito, tagata tino makeke ala e nonofo i ou tafatafa, ti na ke liuliuga au faiaga ke kau sausaua ai.

Esekiele 16:28

Na ke faiaga mo le kau Asilia, talie na leaise ke kaekae ; na ke faiaga mo latou ti na leaise ke kaekae aifai.

Esekiele 16:41

E lotou tutu loa ou fale ki le afi, ti e lotou tautea loa a koe i mua o ni kau fafine toka api. E kau fakagato loa i ai lau faiaga ti e leaise ke toe soli loa se totogi.

Esekiele 23:19

Kae na liuliuga e ia ana faiaga, O manatu ki aso o lona ikiiki, Leia na faiaga ai i le fenua o Esipito.

Esekiele 23:44

Ti na au loa kiate ia ofaipe le ano ki se fafine faiaga ; Na fenaaki le ano kia Olola mo Ololipa, Ko ni fafine fakalialia.

Esekiele 23:5

Na agatuu loa Olola kiate au ; Na oli makeke loa a ia ki ana feauaki, Ki le kau Asilia ala na nonofo i ona tafatafa,

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 3:3

Ti na kau pati loa kiate ia : nofo mo au o fualoa, aua na ke toe valevalea loa, ti aua na ke toe tono loa ki se tagata, ti e kau agatonu loa kiate koe.

Oseo 4:15

Kapau kua ke faifeauaki, Iselaele, Kae ke aua na agasala a Suta ! Ke aua na kotou ano ki Kilikale, ke aua na kotou pale ki Pete-Aveni, Ti ke aua na kotou fakapapau : E mauli le Eteleno !

Levitiko 20:10

Kapau e fai loa e se tagata se tono mo se fafine avaga, kapau e fai loa e ia se tono mo le avaga o lona oloi, e tautea loa ki le mate le tagata mo le fafine ala na tono.

Levitiko 21:9

Kapau e faiaga loa se taine o se tagata faisakilifisio, e fakamatagafua loa e le taine lena a ia totonu, ti e toe fakamatagafua e ia mo lona tamana : e tutu loa a ia i le afi.

Loma 14:22

E ke maua le tui lena, taupau a ia ma au i mua o le Atua. Manuia leia e leaise fakalakasala ia a ia totonu i le nea leia e fakamaoki a ia ki ai !

Tetelonome 24:16

E leaise tamate loa a tamana ke fetogi ai a fanau, pe ko fanau ke fetogi ai a tamana : E tamate loa le tagata taki toka tasi ki lana agasala.

Tuifakamaau 19:2

Na agatuu loa le fafine kiate ia, ti na mavae loa a ia meiate ia, o ano ki le fale o lona tamana i Peteleemi o Suta, ti na nofo loa a ia i ai i ni masina e fa.