Senesi 38:14 - Tosi Tapu

¹⁴ Ti na tatala loa e Tamale ona teu fakalokonui, ti na puloui loa e ia ona mata ki se kie, ti na ano loa a ia o tonatona i le matapa o Enaimi, leia na tuu i le ala o Timina ; talie na tio a ia kua lasi a Sela, kae na leaise soli a ia e Suta ke avaga mo Sela.

Senesi 38:14 ပူးပေါင်းရင်းမြစ်များ

Senesi 24:65

Na pati loa Lepeka ki le tagata fakasausau : ko ai le tagata lena e au i le faisaga o fakatautau mai kia tatou ? Ti na tali loa le tagata fakasausau : Ko loku aliki. Ti na too loa e Lepeka lona pulou o puloui ai ona mata.

Senesi 38:15

Na tio loa Suta kia Tamale, ti na pati loa a ia ko se fafine faiaga, talie na puloui e Tamale ona mata.

Senesi 38:19

Na toe liliu loa Tamale ki lona kaiga ; ti na tatala loa e ia lona pulou, kae na toe tui loa e ia ona teu fakalokonui.

Senesi 38:26

Na iloa loa e Suta a nea ana, ti na pati loa a ia : E ikiiki ake lana sala iate au, talie na leaise kau soli a ia ki loku vosa ko Sela ! Ti na leaise toe ano loa Suta kia Tamale.

Taagapati 7:10

Ti ko leinei, na fakafetaulaki mai kiate ia se fafine, Leia na kofu ofaipe se fafine faiaga ti na nofo mo le kaka i le loto.

Taagapati 7:12

I se tasi lakaga i ala, i se tasi lakaga i lapalasi, I se tasi lakaga i tuliki, na lamalama e ia se tasi ke momoe mo ia.

Selemia 3:2

Siki ou mata ki ganea taualuga, O tio ki ganea fuli ala na ke faiaga ai ! Na ke talitali i ala, ofaipe le tagata Alape i le toafa, Ti na ke fakakelekele le fenua ki au faiaga mo lou agaveli.

Esekiele 16:25

Na ke fakatuu ou ganea taualuga i uluaga o ala fuli, ti na ke maumaui lou fulumalie, ti na ke soli a koe kia latou fuli ala na fakalaka i ou tafa, ti na ke liuliuga au faiaga.