Senesi 38:13 - Tosi Tapu

¹³ Na fakasa loa le nea lena kia Tamale, o pati kiate ia : Ko leinei lou tamana kua pale ki Timina, o tuuti lana fului ovi.

Senesi 38:13 ပူးပေါင်းရင်းမြစ်များ

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Uluaki tosi o Koloniko 2:4

Na fanaui loa kiate ia e Tamale, fugao o Suta, a Peleti mo Selake. Ko le fakatasi o vosa o Suta ko le toka lima.

Sosue 15:10

Mei Paala na maliu loa a ia ki le uesite ki le mauga o Seili, o fakalaka loa i le fetuu noleto o le mauga ko Sealimi, i Kesaloni, o ifo loa ki Pete-Semesi, o fakalaka loa i Timina.

Sosue 15:57

mo Kaini, mo Kipea ti mo Timina ; kolo e kau agafulu mo olatou kolo liliki.

Tuifakamaau 14:1

Na ifo loa Samisoni ki Timina ti na tio loa a ia i ai ki se taine i taineliki o le kau Filisitini.

Uluaki tosi a Samuele 25:2

Na i ai se tagata i Maoni, kae na tuu lona tofiga i Kalemelo, ko se tagata mauiga mo mou koloa : na maua e ia ni ovi e tolu afe mo ni koti e afe, ti na nofo a ia i Kalemelo ki le koti o lana kau ovi.

Uluaki tosi a Samuele 25:4

Na logo loa Tavite i le toafa kua koti e Napale lana kau ovi.