Senesi 37:9 - Tosi Tapu

⁹ Na toe fai foki e ia se tasi moe miti, ti na toe fakamatala loa e ia ki ona fetaina. Na pati loa a ia : Na kau toe fai foki se tasi moe miti : Na kau tio ki le laa, mo le masina, ti mo fetuu e kau agafulu tupu tasi, na tulolo i oku mua.

Senesi 37:9 ပူးပေါင်းရင်းမြစ်များ

Senesi 20:3

Kae na sa loa le Atua i se moe miti kia Apimeleke i le pouli, o pati kiate ia : Ko leinei, e ke mate loa o tupu ko le fafine leia kua ke aga o too, talie e i ai lona avaga.

Senesi 37:10

Ti na fakamatala loa e ia lana moe miti ki lona tamana mo ona fetaina. Ti na valoki loa a ia e lona tamana, o pati : Kolea le uiga o le moe miti lena kua ke fai ? Pe tonu loa ke motou au, a au ko lou tamana, mo lou tinana, ti mo ou fetaina fuli, o punou ki le kele i ou mua ?

Senesi 37:7

Na tou lolotoga sai a fuiga fulumeto i faisaga ; ti ko leinei, na malaga ake loa laku fuiga fulumeto, o tuu fakasako ki aluga, ti na nake loa akoutou fuiga fulumeto o takatakai a ia, ti na lotou punou loa kiate ia.

Senesi 37:8

Na pati loa ona fetaina kiate ia : Pe maoki e ke pule loa kia matou ? Pe ke lagiaki loa kia matou ? Ti na lotou toe asilisili vesia loa kiate ia o tupu ko ana moe miti mo ana masau.

Senesi 41:25

Na pati loa Sosefo kia Falaone : Ko le nea leia na moe miti ki ai Falaone ko le nea e tasi. Kua fakasa e le Atua kia Falaone le nea leia ka fai loa e ia.

Senesi 41:32

Kapau na tio tua lua Falaone ki le moe miti, ko lona uiga, kua fakapapau e le Eteleno ke fai le nea lena, ti e leaise toe talitali loa a ia.

Senesi 42:6

Na pule Sosefo i le fenua ; ko ia leia na fakatau ia le fulumeto ki le kakai katoa o le fenua. Ti na au loa fetaina o Sosefo o punou ki le kele i ona mua.

Senesi 43:26

I le kaku ake a Sosefo ki fale, na lotou momoli loa kiate ia le moliga leia na lotou aumai, ti na lotou punou loa o kaku ki le kele i mua o Sosefo.

Senesi 43:28

Na lotou tali loa : E malolo lau tagata fakasausau, lomatou tamana, ti koi mauli foki a ia. Ti na lotou toe punou loa o kaku ki le kele i mua o Sosefo.

Senesi 44:14

Na kaku loa Suta mo ona fetaina ki le fale o Sosefo, kae koi nofo Sosefo i ai, ti na lotou punou loa ki le kele i ona mua.

Senesi 44:19

Na vesili mai e loku aliki ki ana tagata fakasausau, o pati : Pe koi mauli lokoutou tamana ? Pe koi toe se tasi okoutou taina ?

Senesi 45:9

Kotou pale fakatavili ki loku tamana, o pati kiate ia : Ko leinei le masau o lou vosa ko Sosefo : Kua fakanofo au e le Atua ko le pule o Esipito katoa, ifo mai kiate au, aua na ke toe tuvai !

Senesi 46:29

Na teuteui loa e Sosefo lana saliote, ti na eke loa a ia ki ai, ti na ano loa a ia ki Koseni, o fakafelavei ki lona tamana ko Iselaele. I lana tio ki lona tamana, na makape loa a ia o kalu ki lona ua, o sogi kiate ia, ti na tagi loa a ia o fualoa i lona ua.

Senesi 47:12

Na tokaga loa Sosefo ki le pane o lona tamana, mo ona fetaina, mo le famili katoa o lona tamana, o fakafuafua ki lolatou api.

Taniela 8:10

Na malaga loa a ia o kaku ki le kau tau o le lagi, ti na fakavilo loa e ia ki le kele se potu o le kau tau lena mo fetuu, ti na takatakafi loa e ia latou.

Numelo 12:6

Ti na pati loa a ia : Kolua fakalogo malie mai ki aku masau ! Ka maua loa ia koutou se polofeta, ko se ata loa leia e kau sa ai loa kiate ia, a au ko le Eteleno, ti e kau masau loa kiate ia i se moe miti.

Filipe 2:15

o tupu ke kotou lee mele mo mea, ofaipe ni fanau a le Atua lee valoki i loto malie o se tautupu fakalialia mo agaveli, leia e kotou mu ai ofaipe ni malama i le malama nei,