Senesi 37:8 - Tosi Tapu

⁸ Na pati loa ona fetaina kiate ia : Pe maoki e ke pule loa kia matou ? Pe ke lagiaki loa kia matou ? Ti na lotou toe asilisili vesia loa kiate ia o tupu ko ana moe miti mo ana masau.

Senesi 37:8 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 37:4

Na tio loa ona fetaina na alofa lasi ake lolatou tamana kia Sosefo ia latou fuli, ti na lotou vesia loa kiate ia. Na leaise feala ke lotou masau malie kiate ia.

Senesi 37:9

Na toe fai foki e ia se tasi moe miti, ti na toe fakamatala loa e ia ki ona fetaina. Na pati loa a ia : Na kau toe fai foki se tasi moe miti : Na kau tio ki le laa, mo le masina, ti mo fetuu e kau agafulu tupu tasi, na tulolo i oku mua.

Senesi 42:10

Na lotou tali loa kia Sosefo : Leai, ei Aliki ! Na au au tagata fakasausau o totogi fulumeto ata.

Senesi 44:18

Ti na fakafeofi ake loa Suta kia Sosefo, o pati : Alofa mai ei loku aliki, o fakataga ki lau tagata fakasausau ke masau ki loku aliki, ti ke aua na vilo lona ita ki lana tagata fakasausau, talie e ke tatau mo Falaone !

Senesi 49:26

E fakalaka a tapuaki o lou tamana i tapuaki o oku tamana, o kaku ki tumutumu o mauga lee gato. Ke ifo a tapuaki ana ki le ulu o Sosefo, Ki le tumutumu o le ulu o le aliki o ona fetaina !

Senesi 50:18

Ti na au loa ona fetaina totonu kiate ia, o punou i ona mua, o pati : Ko au tagata fakasausau matou.

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Ekesote 2:14

Ti na tali loa le tagata lena : Ko ai na fakanofo ia a koe ke pule mo tui fakamaau kia maua ? Pe ke loto foki ke ke toe tamate au ofaipe lau tamate le tagata Esipito ? Ti na i loa Moisese, o pati : E matala nei kua iloa le nea leinei !

Luka 19:14

Kae na vesia le kakai o lona fenua kiate ia, ti na lotou kakau loa ni fakafofoga i ona muli ke ano, o pati : E leaise motou loto ke sau le tagata lena kia matou.

Luka 20:17

Kae, na tio loa Sesu kia latou, o pati : Kolea le uiga o le folafola leinei e tuu i le Tosi : Ko le fatu leia na tiaki e le kau tufuga Kua liliu ko le fatu tafito o le agele ?

Gaoi 7:35

Ko le Moisese lena, leia na lotou fakafiti ki ai, o pati : Ko ai leia na fakanofo ia a koe ko le pule mo le tui fakamaau ? Ko ia leia na kakau e le Atua ko le pule ti mo le fakamauli i le tokoi a le aselo leia na sa kiate ia i le ulu vao.

Tetelonome 33:16

Mo nea malilie e fakatupu e le kele, mo nea fuli e tapono e ia i loto. Ko le kalasia o leia na sa i le ulu vao, Ke au ki le ulu o Sosefo, Ki le tumuaki o le ulu o le pule o ona fetaina.

Epelo 10:29

Ti e kotou manatu e feaki ake loa le tautea fakaveli o leia e takatakafi ia loa ki ona vae le Alo o le Atua, ti mo fakanoai ia loa le toto o le sai leia na fakamea ia a ia, ti mo lauveli loa ki le Laumalie o le kalasia ?

Uluaki tosi a Samuele 10:27

Kae na i ai foki mo ni tagata agaveveli, ala na pati : Ea koia ! Ko ia loa leinei ka saofaki ia tatou ! Ti na lotou nukinuki loa kiate ia, ti na leaise lotou ave loa se nea alofa kiate ia. Kae na nea noa a ia kia Saulo.

Uluaki tosi a Samuele 17:28

Na logo loa Eliape, lona taokete, ki masau a Tavite ki tagata ana, ti na itaita ai a ia kia Tavite. Ti na pati loa a ia : Kolea na ke ifo mai ai, ti na ke tuku kiate ai le ga kau manu i le toafa ? E kau iloa lou fia nealasi mo le veli ai o lou loto. Talie ko lou fia tio fai leia ki le tau kua ke ifo mai ai ki leinei.

Uluaki tosi a Samuele 18:8

Na ita lasi ai Saulo, ti na veli ai le nea lena kiate ia. Na pati loa ia : E tuku le tino agafulu afe kia Tavite, kae tuku mai kiate au le tino afe ! Koi toe fua kiate ia le pule fakasau.