Senesi 37:4 - Tosi Tapu

⁴ Na tio loa ona fetaina na alofa lasi ake lolatou tamana kia Sosefo ia latou fuli, ti na lotou vesia loa kiate ia. Na leaise feala ke lotou masau malie kiate ia.

Senesi 37:4 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 37:11

Na finenonofo loa ona fetaina kiate ia, kae na taupau loa e lona tamana a nea ana i lona loto.

Senesi 37:5

Na fai loa e Sosefo se moe miti, ti na fakamatala loa e ia a ia ki ona fetaina, ala na toe asilisili vesia loa kiate ia.

Senesi 4:5

Kae na leaise tali loa e ia a Kaino mo lana failaulau. Na ita loa Kaino, ti na mata mamae loa a ia.

Senesi 49:23

Na fakaveliveli kiate ia ni tagata fai kalolo, Ti na lotou kaloloi a ia ki alatou kalolo, Ti na lotou kapu a ia i lolatou vesia.

Pesalemo 38:19

Talie e kau fakamaoki ki laku agaveli, E kau nofo i le mamae o tupu ko laku agasala.

Pesalemo 69:4

Kua kau pakia i le kalaga, kua malo loku fatakia, Kua fufula oku mata, i le talitali ki loku Atua.

Selemia 12:6

Talie e kakai a koe e ou fetaina totonu ti mo le fale o lou tamana ; E lotou kalaga mo makape i ou muli. Aua na ke tui kia latou, mo ka lotou fai atu kiate koe ni masau malilie.

Maleko 3:25

ti kapau e mavetevete se fale o tau kiate ia totonu, e leaise mafai ke tuu makeke le fale lena.

Tito 3:3

Talie ko tatou foki, na tou valelea i mua, mo patigataa, mo sese, mo popula ki olioli noa mo manumanu fuli, na tou mauli i le agaveli mo le loto veli, ti na tou vesia ti na vesia mai foki kia tatou.

Uluaki tosi a Soane 2:11

Kae ko leia e vesia ki lona taina, e nofo a ia i le fakapouli, e saele a ia i le fakapouli, ti e leaise iloa e ia le ganea leia e ano a ia ki ai, talie na fakakivi ona mata e le fakapouli.

Uluaki tosi a Soane 3:10

Ko leinei le nea leia e mailoga kesekese ai fanau a le Atua mo fanau a le Tiapolo : Ko leia e leaise mauli i le maokioki e leaise au a ia mei le Atua, tatau mo leia e leaise alofa ki lona taina.

Uluaki tosi a Soane 3:12

kae aua na tou faipe Kaino, leia na au mei leia e kaka, ti na tukipooi ia lona taina. Ti kolea na tukipooi ai e ia lona taina ? Talie na veli ana gaoi, kae na maokioki a gaoi o lona taina.

Uluaki tosi a Soane 4:20

Kapau e pati se tasi : E kau alofa ki le Atua, kae vesia a ia ki lona taina, ko se tagata gutu loiloi a ia ; talie ko leia e leaise alofa ki lona taina leia e tio a ia ki ai, e feaki loa ke alofa a ia ki le Atua leia e leaise tio a ia ki ai ?

Uluaki tosi a Samuele 17:28

Na logo loa Eliape, lona taokete, ki masau a Tavite ki tagata ana, ti na itaita ai a ia kia Tavite. Ti na pati loa a ia : Kolea na ke ifo mai ai, ti na ke tuku kiate ai le ga kau manu i le toafa ? E kau iloa lou fia nealasi mo le veli ai o lou loto. Talie ko lou fia tio fai leia ki le tau kua ke ifo mai ai ki leinei.