Senesi 37:21 - Tosi Tapu

²¹ Na logo loa Lupeni ki le nea lena, ti na fakapapau loa a ia ke saofaki e ia Sosefo mei lima o ona fetaina. Na pati loa a ia : Aua na tou tamate a ia.

Senesi 37:21 ပူးပေါင်းရင်းမြစ်များ

Senesi 35:22

I le nofo a Iselaele i le fenua lena, na ano loa Lupeni o momoe mo Pila, ko le avaga o lona tamana. Ti na iloa loa e Iselaele le nea lena, ti na mamae ai lona loto. Ko vosa o Sakopo na tino agafulu tupu lua.

Senesi 37:22

Ti na toe pati loa Lupeni kia latou : Aua na kotou liligi le toto ; kotou ti a ia ki le sosoni leinei i le toafa, kae aua na fafa okoutou lima kiate ia. Na masau felaaki loa a ia talie kua fakatuutuu e ia ke saofaki e ia Sosefo mei lima o ona fetaina, o toe fakaliliu a ia ki lona tamana.

Senesi 42:22

Na masau loa Lupeni kia latou, o pati : Pe na leaise kau pati atu kia koutou ke aua na kotou fai se nea veli ki le toe ? Kae na leaise kotou fakalogo mai kiate au. Ti ko leinei, kua tou totogi loa lona toto.

Senesi 9:5

Ke kotou iloa foki, e kau toe afa loa le toto o okoutou laumalie, e kau toe afa loa a ia ki manu fuli ; ti e kau toe afa loa le laumalie o le tagata ki le tagata, ki le tagata leia ko lona taina.

Mateo 10:28

Aua na kotou i kia latou ala e tamate ia le tino kae e leaise mafai ke lotou tamate ia le laumalie ; kotou i tafito ki leia e tamate ia le laumalie ti mo le tino i Ifeli.

Sosue 10:28

Na too loa e Sosue a Maketa i le aso lena, ti na tamate loa e ia ki le mata o le seleta le kakai o le kolo mo lona sau ; na maumaui loa e ia le kolo mo kakai fuli na nofo i ai. Na leaise toe sao loa se fa toka tasi, ti na fai loa e ia ki le sau o Maketa le nea leia na fai e ia ki le sau o Seliko.