Senesi 37:2 - Tosi Tapu

² Ko leinei le sakoga o Sakopo. Na fetuu kau agafulu tupu fitu Sosefo, ti na tausi e ia le kau manu o lona tamana, o fakatasi mo ona fetaina ; ti na nofo le fanau lena mo vosa o Pila ti mo vosa o Silipa, ko tinifu o lona tamana. Ti na fakasa e Sosefo ki lolatou tamana alatou masau veli.

Senesi 37:2 ပူးပေါင်းရင်းမြစ်များ

Senesi 10:1

Ko leinei le sakoga o vosa o Noe : ko Semi, mo Kami, mo Safeti. Na tupu loa kia latou ni vosa i le oki o le lomaki.

Senesi 2:4

Ko leinei le kamataaga o le lagi mo le kele, i le temi leia na la fakatupu ai.

Senesi 30:4

Ti na tuku loa e Lasele lana fafine fakasausau ko Pila ke avaga mo ia, ti na ano loa Sakopo kia Pila.

Senesi 30:9

Na tio loa a Lea kua gato lana fanaunau, ti na too loa e ia lana fafine fakasausau ko Silipa, o soli ke toe avaga mo Sakopo.

Senesi 35:22

I le nofo a Iselaele i le fenua lena, na ano loa Lupeni o momoe mo Pila, ko le avaga o lona tamana. Ti na iloa loa e Iselaele le nea lena, ti na mamae ai lona loto. Ko vosa o Sakopo na tino agafulu tupu lua.

Senesi 41:46

Na fetuu kau tolu Sosefo i lana ano ki mua o le sau o Esipito ko Falaone. Ti na mavae loa Sosefo meia Falaone, o ano o fakatele le fenua katoa o Esipito.

Senesi 42:8

Na iloa loa e Sosefo ona fetaina, kae na leaise lotou iloa loa a ia.

Senesi 45:6

Ko leinei kua fetuu lua le oge i le fenua, ti koi toe foki ni iki fetuu e lima ala e leaise toe feala ai le gaoi ki le kele, ti e leaise toe maua ai se fulumeto.

Senesi 46:34

Pe kolea lakoutou gaoi ? Kotou tali loa kiate ia : E tausi manu au tagata fakasausau talu mei lomatou liliki o kaku mai ki le aso nei, ofaipe omatou tamana. I le nea lena e fakataga loa e ia kia koutou ke kotou nonofo i le fenua ko Koseni, talie e fakalialia le kau Esipito ki kau tausi manu fuli.

Senesi 5:1

Ko leinei le tosi o le sakoga o Atama. I le fakatupu e le Eteleno le tagata, na fai loa e ia a ia o fakatatau ki le Atua.

Senesi 6:9

Ko leinei le sakoga o Noe. Ko Noe ko se tagata agatonu mo maokioki a ia i lona tautupu. Na saele a Noe mo le Atua.

Soane 7:7

E leaise feala ke vesia le malama nei kia koutou ; kae e vesia a ia kiate au, talie e kau fakamaoki kiate ia e veli ana gaoi.

Uluaki tosi ki le kau Kolinto 1:11

Talie, ei oku fetaina, kua kau logo o uiga mo koutou, mei ni iki o le fale o Koloe, e maua ni veliveli ia koutou.

Uluaki tosi ki le kau Kolinto 11:18

Ti ko le uluaki nea, e kau logo, ka kotou fakatasi fakaekelesia, e i ai ni fakavaevaega ia koutou, ti e kau teitei tui ki ai,

Uluaki tosi ki le kau Kolinto 5:1

Kua logo i ganea fuli e maua ia koutou se fai feauaki, ti ko se fai feauaki leia e leaise maua foki i le kau pagani ; talie kua kaku o nofo se tasi o koutou mo le avaga o lona tamana.