Senesi 37:18 - Tosi Tapu

¹⁸ Na lotou tio loa kiate ia mei mamao, kae i mua o lana kaku ake kia latou, na lotou fonofono loa ke tamate a ia.

Senesi 37:18 ပူးပေါင်းရင်းမြစ်များ

Senesi 27:41

Na somo loa i le loto o Esau se vesia lasi kia Sakopo, o tupu ko le tapuaki leia na tuku kiate ia e lola tamana ; ti na pati loa Esau i lona loto : Kua vave fua a aso o le putu o loku tamana, ti e kau tamate loa loku taina ko Sakopo.

Senesi 37:19

Na lotou fepatiaki loa : Ko leinei le tagata fai moe miti e au kia tatou !

Senesi 50:15

I le tio loa o fetaina o Sosefo kua mate lolatou tamana, na lotou pati loa : Kapau e nofo Sosefo mo sona vesia kia tatou, ti e totogi loa e ia kia tatou a veli fuli ala na tou fai kiate ia !

Senesi 50:20

Na kotou loto ke fai se nea veli kiate au, kae na fulusi a ia e le Atua ko se nea malie, o tupu ke fakasoko le nea leia kua soko i le aso nei, ke saofaki ai le mauli o se kakai toka api.

Pesalemo 105:25

Na fetogi loa e ia olatou loto, o lotou vesia loa ki lona kakai, ti na lotou fai fakakaka loa ki ana tagata fakasausau.

Pesalemo 109:4

Loga ai e kau alofa kia latou, e lotou vesia mai kiate au, Kae ko au e kau ulufaki latou.

Pesalemo 31:13

Kua galoi au e loto ofaipe se tagata leia kua mate, Kua kau faipe se ipu leia kua maumau.

Pesalemo 31:14

E kau logo ki lauveli a le toka api, mo le fakaii leia e taka i oku tafatafa, Mo ka lotou fonofono kiate au ke lotou too loku mauli.

Pesalemo 37:12

E fai e le tagata agaveli ni fakatuutuu veli ki le tagata agatonu, Ti e gugu e ia ona nifo kiate ia.

Pesalemo 37:32

E lamalama e le tagata agaveli le tagata agatonu, Ti e afa e ia ke tamate a ia.

Pesalemo 94:21

E lotou fakatasi ki le mauli o le tagata agatonu, Ti e lotou tautea noa le tagata saosaoa.

Mateo 21:38

Kae i le tio a le kau tagata faivite ki le vosa, na lotou pati loa : Ko leinei le vosa leia e tonu ke maua ia le tofiga ; kotou au, tou tamate a ia, kae tou maua loa lona tofiga.

Mateo 27:1

I le usu ake, na fono loa le kau pule faisakilifisio fuli mo le kau fakamatuatua o le kakai ke tamate Sesu.

Maleko 12:7

Kae na pati loa a tagata faivite ana : Ko leinei le vosa leia e maua tofiga ; kotou au, tou tamate a ia, ti tou maua loa le tofiga.

Maleko 14:1

Koi toe ni aso e lua ki le aso o le Pasikate mo pane sala fakatupu. Na afa loa e le kau pule faisakilifisio mo le kau sekelipa, ni puleaki ke too ai Sesu, o tamate.

Soane 11:53

Talu mei le aso lena, na lotou tonu tasi loa ke tamate a ia.

Gaoi 23:12

I le mafoa mai o le ao, na kauakii loa e le kau Sutea se nea veli, ti na lotou fakapapau loa ke aua na lotou kai pe inu i mua o le tamate o Paulo.

Uluaki tosi a Samuele 19:1

Na masau loa Saulo kia Sonatane, lona vosa, mo ana tagata fakasausau fuli, ke tamate Tavite. Kae ko Sonatane, vosa o Saulo, leia na alofa mamae kia Tavite,