Senesi 37:14 - Tosi Tapu

¹⁴ Na pati loa Iselaele kiate ia : E kau kole atu kiate koe ke ke ano o fakatele ki ou fetaina, o tio pe lotou malolo mo le kau manu ; ti ke au loa mo ni logo kiate au. Ti na kakau loa e Sakopo lona vosa ko Sosefo mei le vaivailiua o Epelone ; ti na ano loa Sosefo ki Siseme.

Senesi 37:14 ပူးပေါင်းရင်းမြစ်များ

Senesi 13:18

Na siki loa e Apalamo ona falela, ti na ano loa a ia o nofo i le ulu sene o Mamele, leia na ofi ki Epelone. Ti na fakatuu loa e ia i ai se aletale ki le Eteleno.

Senesi 23:19

I le oki o le nea lena, na tanu loa e Apalaamo a Sala, lana avaga, i le ana lena na tuu i le faisaga o Makepela, i le potu esite o Mamele leia ko Epelone, i le fenua o Kanaane.

Senesi 23:2

Na mate loa a Sala i Kiliate-Alepa, leia ko Epelone, i le fenua o Kanaane ; ti na fai loa e Apalaamo le putu o Sala, ti na tagi loa a ia kiate ia.

Senesi 29:6

Na pati loa a ia kia latou : Pe malolo a ia ? Na lotou tali loa : E malolo a ia ; ti ko leinei lona taine ko Lasele e au mo lana kau manu.

Senesi 35:27

Na kaku loa Sakopo ki lona tamana ko Isaake i Mamele, ofi ki Kiliate-Alepa, leia kua igoa i le temi nei ko Epelone, ganea leia na nofo ai foki Apalaamo mo Isaake.

Senesi 37:15

Na felavei loa se tagata mo ia i lana foli i faisaga, ti na vesili loa le tagata kiate ia : Kolea e ke afa ?

Senesi 41:16

Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Senesi 43:27

Ti na vesili loa Sosefo kia latou pe lotou malolo ; ti na toe pati loa a ia kia latou : Pe malolo lokoutou tamana, leia na kotou masau mai ki ai kua matua ? Pe koi mauli a ia ?

Lua tosi a Samuele 11:7

Na ano loa a Uli kia Tavite, leia na fakavesili ia loa a ia pe feaki a Soape, mo le kau solia, ti mo le tau.

Lua tosi a Samuele 18:32

Na pati loa le sau kia Kusi : Pe malie le tupulaga ko Apesalone ? Na tali loa a Kusi : Ke lotou faipe le tupulaga lena, a fili o le sau loku aliki mo latou fuli ala e malaga kiate koe, ke agatuu kiate koe !

Uluaki tosi o Sau 2:33

Kua vilo loa ola toto ki le fa ulu o Soape ti mo lona sakoga o lee gato ; kae e i ai loa le tokamalie o lee gato, mei le Eteleno, kia Tavite, mo lona sakoga, mo lona fale, ti mo lona ekeekeaga fakasau.

Esitele 2:11

Ti na evaeva loa Maletoseo i mua o le malae o le fale o fafine, i aso fuli, ke iloa pe feaki Esitele, ti kolea e fai loa kiate ia.

Pesalemo 125:5

Kae ko latou ala e saele i ala pikopiko, Ke maumaui latou e le Eteleno o fakatasi mo latou ala e fai ia le veli ! Ke nofo le tokamalie i Iselaele !

Selemia 29:7

Kotou afa le malie o le kolo leia kua kau ave popula koutou ki ai, ti kotou kole ki le Eteleno le malie o le kolo, talie e fakalogo lokoutou manuia ki lona manuia.

Numelo 13:22

Na lotou ulu loa ki le potu Saute ti na lotou ano loa o kaku ki Epelone, leia na nonofo ai a vosa o Anake ko Asimani, mo Sesai, mo Talamai. Na laga Epelone i ni fetuu e fitu i mua o le laga o Tesoane i Esipito.

Luka 19:42

Ka na ke iloa fua, io, e koe, i le aso nei, a nea ala e kau ki lou tokamalie ! Kae, i le aso nei, kua munia latou ki ou mata.

Sosue 14:13

Na tapuaki loa Sosue kia Kalepo, vosa o Sefune, ti na tuku loa e ia kiate ia le kolo ko Epelone, ko lona tofiga.

Sosue 14:14

Koia na maua ai loa e Kalepo, vosa o Sefune, tagata Kenati, le kolo ko Epelone, ko lona tofiga, o tupu na mulimuli katoa a ia i le ala o le Eteleno, le Atua o Iselaele.

Sosue 14:15

Na igoa Epelone i le temi mua ko Kiliate-Alepa : ko Alapa, ko le tagata na logologona lasi ai i fanau a Anake. Ti na malolo loa le fenua i le tau.

Tuifakamaau 1:10

Na saele loa Suta ki le kau Kanaane leia na nofo i Epelone, leia na igoa i mua ko Kiliate-Alepa. Ti na tamate loa e ia Sesai, mo Asimani ti mo Talamai.

Uluaki tosi a Samuele 17:22

Na tuku loa e Tavite a nea ala na natu mo ia ki le tagata leoleo kavega, ti na makape loa a ia ki atu o le solia. I lana kaku atu fai, na vesili loa a ia ki ona fetaina pe lotou malolo.