Senesi 35:2 - Tosi Tapu

² Ti na pati loa Sakopo ki lona famili, mo latou fuli ala na nonofo mo ia : Kotou too ia koutou a atua kese fuli ala e maua ia koutou, ti kotou fakamea mo fetogi okoutou kofu.

Senesi 35:2 ပူးပေါင်းရင်းမြစ်များ

Senesi 18:19

Talie kua kau filifili a ia o tupu ke fakatotonu e ia ki ona vosa mo lona fale i ona muli, ke lotou tausi le ala o le Eteleno, o fai le nea leia e totonu mo maokioki, o tupu ke fakasoko e le Eteleno kia Apalaamo a fakapapau ala na fai e ia kiate ia…

Senesi 31:19

I le temi lena na ano Lapane o koti lana kau manu. Na kaia loa e Lasele a taulaatua o lona tamana.

Senesi 31:30

Ko leinei, kua ke ano talie kua ke mamae ki le fale o lou tamana, kolea na ke kaia ai oku atua ?

Senesi 31:34

Kae na too loa e Lasele a atua, o tatao i lalo o le ekeekeaga kamelo ti na tonatona loa a ia i aluga. Na sufe loa e Lapane le falela katoa, kae na leaise maua loa e ia se nea.

Senesi 34:2

Ti na tio loa kiate ia Siseme, vosa o Amole, ko le sau o le fenua. Ti na too loa e ia le taine, o momoe mo ia, ti na fakamatagafua loa e ia a ia.

Senesi 35:22

I le nofo a Iselaele i le fenua lena, na ano loa Lupeni o momoe mo Pila, ko le avaga o lona tamana. Ti na iloa loa e Iselaele le nea lena, ti na mamae ai lona loto. Ko vosa o Sakopo na tino agafulu tupu lua.

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Lua tosi o Sau 17:29

Kae na tasi fai loa e atu puleaga lona atua i kolo ala na lotou nonofo ai, ti na lotou fakatuu latou i fale o ganea taualuga ala na fakatuu e le kakai afea o Samalia.

Lua tosi o Sau 5:10

Na kakau loa e Eliseo ke pati kiate ia : Ano, ti ke uku tua fitu i le Solotane ; e toe malie loa lou tino ti e ke mea loa.

Uluaki tosi o Koloniko 16:26

Talie ko atua fuli o kakai ko ni taulaatua, Ti na fai e le Eteleno le lagi.

Sopo 1:5

Ti ka oki a aso fakafiafia, e kakau loa e Sopo ke au kiate ia ona vosa, ke fakamea latou ; e tuu ake loa a ia i le mafoata o momoli ni failaulau o fakatatau ki le lasi o ana fanau ; talie na pati a Sopo : E feala ke agasala oku vosa ti ke lotou masau sala ki le Atua i olatou loto. Ko lena le fai masani a Sopo.

Pesalemo 51:2

I le au o le polofeta ko Natane kia Tavite, i le oki o lana ano kia Pate-Sepa.

Pesalemo 51:7

Ko leinei, na kau tupu i le agaveli, Ti na fanaui au e loku tinana i le agasala.

Ekesote 19:10

Ti na pati loa le Eteleno kia Moisese : Toe liliu ki le kakai, ti ke pati kia latou ke lotou fakamea i le aso nei mo apogipogi, ti ke lotou fakamea olatou teu.

Ekesote 19:14

Na ifo loa Moisese mei le mauga ki le kakai. Na fakamaokioki loa e ia le kakai, ti na lotou fakamea loa olatou kofu.

Ekesote 23:13

E kotou taupau loa a nea fuli ala kua kau fakasa kia koutou, ti aua na kotou puaki ia loa se igoa o se atua kese : ke aua na sa i lou gutu lona igoa.

Ekelesiasi 5:1

Aua na ke fakatavili o fakamavaa lou gutu, ti aua na fai vave e lou loto se masau i mua o le Atua ; talie e nofo le Atua i lagi kae ko koe, e ke nofo i le kele : fakateiki au masau.

Esaia 1:16

Kotou maanu, kotou fakamea, Kotou too i mua o oku mata akoutou gaoi veveli ; Kotou tuku le fai o le nea e veli.

Esaia 52:11

Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Selemia 13:27

Kua kau tio ki au fai tono, mo ou oli veli, Mo au faiaga i mauga liliki mo faisaga, Ti kua kau tio ki au nea fakalialia. Malaia kiate koe, Selusalemi ! E ke talitali loa kiafea, ke fakamea a koe ?

Selemia 16:20

Pe mafai ke fai e le tagata ni atua, ala e leaise ko ni atua ?

Selemia 5:7

Kolea e kau fakamolemole ai loa kiate koe ? Na tiaki au e au fanau, Ti e lotou fakapapau i ni atua ala e leaise ko ni atua. Na kau fagai latou ke makokona, kae na lotou faiaga, E lotou tanaki fuli i le fale o le fafine faiaga.

Esekiele 18:31

Kotou tiaki ki mamao akoutou agaveveli fuli ala na kotou agasala ai ; kotou fai kia koutou ni loto foou mo ni laumalie foou. Kolea e kotou mamate ai loa, fale o Iselaele ?

Esekiele 20:7

Na kau pati kia latou : Ke kotou tasi tiaki a nea fakalialia ala e toso ia okoutou mata, ti aua na kotou fakakelekele koutou ki a taulaatua o Esipito ! Ko au ko le Eteleno, lokoutou Atua.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Taniela 5:4

Na lotou inu loa se vino, ti na lotou fakavikiviki loa ki atua aulo, mo atua siliva, mo atua sila, mo atua ukamea, mo atua laakau, ti mo atua fatu.

Levitiko 15:5

Ti ko leia e lave loa ki le moeaga lena, e tonu ke fo loa e ia ona kofu, ti ke maanu loa a ia totonu ; ti e kelekele loa a ia o kaku ki le afiafi.

Levitiko 17:16

Ti kapau e leaise fo loa e ia ona kofu, ti e leaise maanu loa a ia, ti e agasala loa a ia.

Numelo 31:24

E kotou fakamea loa okoutou kofu i le fitu o aso, ti e kotou mea loa ; ti e feala loa ke kotou ulu ki le nofolaga.

Gaoi 19:26

kae kua kotou tio ti kua kotou logo, i Efeso mo Asia katoa, kua fakalotoi mo toso e le Paulo lena se kakai toka api ai, o pati ko atua ala na fau e le lima o le tagata, e leaise ko ni atua latou.

Uluaki tosi ki le kau Kolinto 10:7

Aua na kotou tausi taulaatua, ofaipe ni iki o latou, o mulimuli ki le nea leia e tuu i le tosi : Na tonatona loa le kakai o kai mo inu, ti na lotou tutuu ake loa o fakafiafia.

Lua tosi ki le kau Kolinto 7:1

Koia, ei alofaaga, i le maua o fakapapau ana, tou fakamea tatou mei nea fuli ala e fakakelekele ia le tino mo le laumalie, o fakaoki lotatou fakamaokioki i le kanofi ki le Atua.

Kalate 4:8

I mua, na leaise kotou iloa le Atua, ti na kotou tausi ki ni atua ala na leaise ko ni atua maoki ;

Tetelonome 11:28

le malaia, mo kapau e leaise kotou fakalogo loa ki folafola a le Eteleno, lokoutou Atua, ti mo kapau e kotou tiaki loa le ala e kau fakatotonu atu i le aso nei, kae kotou pipiki loa ki ni iki ake atua kese e leaise kotou iloa.

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 5:7

Ke aua na ke maua loa ni atua kese iate au.

Tetelonome 6:14

Ke aua na kotou ano loa ki ni iki ake atua kese, ki atua o puleaga ala e nonofo i okoutou tafatafa ;

Tetelonome 7:25

Ke kotou tutu loa i le afi a fakatata o olatou atua. Ke aua na ke manumanu loa ki le paaga, mo le aulo o puleaga ana, ti ke aua na ke too loa a nea ana ma au, o tupu na liliu loa a nea ana kiate koe ko se masele ; talie e fakalialia ki ai le Eteleno, lou Atua.

Epelo 10:22

Koia ke tou fakafeofi ai i se loto maoki, mo se amanaki makeke o le tui, ti mo ni loto kua fakamea mei se atamai veli, ti mo le tino kua fufulu ki se vai mea.

Sakopo 4:8

Kotou fakafeofi ki le Atua, ti e fakafeofi atu loa a ia kia koutou. Kotou fakamea okoutou lima, kau agasala, ti kotou fakamea okoutou loto, kau lotolotolua.

Sosue 23:7

Ke aua na kotou fakatasi mo puleaga ana koi nonofo ia koutou. Ke aua na kotou faikole ki olatou atua, ke aua na kotou too a igoa olatou atua i akoutou fakapapau, ti ke aua na kotou punou i olatou mua o su kia latou.

Sosue 24:14

I le aso nei, ke kotou i ki le Eteleno ti ke kotou tausi kiate ia i lokoutou loto katoa mo le loto agatonu. Ke kotou maumaui a atua ala na tausi ki ai okoutou tamana, i leia fetuu o le vaitafe ko le Eufalate ti mo Esipito, kae ke kotou tausi ki le Eteleno.

Sosue 24:15

Ti kapau e leaise kotou fia tausi loa ki le Eteleno, ke kotou filifili loa i le aso nei leia e kotou fia tausi ki ai : pe ko atua ala na tausi ki ai okoutou tamana i leia fetuu o le Eufalate, pe ko atua o le kau Amole i lolatou fenua leia e kotou nonofo ai nei. Ko au mo loku famili, e motou tausi loa ki le Eteleno.

Sosue 24:2

Na pati loa Sosue ki le kakai katoa : Ko leinei le folafola a le Eteleno, le Atua o Iselaele : Na nonofo okoutou tamana, a Telake, tamana o Apalaamo mo tamana o Nakole, i mua i le kauvai o le vaitafe lasi ko le Eufalate, ti na lotou tausi ki ni atua kese.

Sosue 24:20

Kapau e kotou tiaki loa le Eteleno ti kapau e kotou tausi loa ki ni atua kese, e maliu atu loa a ia kia koutou o tautea koutou ti mo tamate koutou, ti e maumaui loa e ia koutou i le oki o lana tapuaki kia koutou.

Sosue 24:23

Ke kotou tiaki loa i le aso nei a atua kese ala e maua ia koutou, ti ke kotou afei okoutou loto ki le Eteleno, le Atua o Iselaele.

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.

Tuifakamaau 10:16

Ti na lotou too loa a atua kese ala na nofo mo latou kae lotou tausi loa ki le Eteleno, leia na logoi ia loa i lona loto a mamae o Iselaele.

Lute 1:15

Na pati loa Naomi kia Lute : Ko leinei, kua toe liliu loa lou taina ki lona kakai mo ona atua ; ke ke toe liliu, ofaipe lou taina.

Uluaki tosi a Samuele 16:5

Na tali loa Samuele : E io ; e kau au ke momoli se sakilifisio ki le Eteleno. Kotou fakamea, ti kotou au mo au ki le sakilifisio. Na pati loa Samuele ke fakamea Isaia mo ona vosa, ti na fakaafe loa e ia latou ki le sakilifisio.

Uluaki tosi a Samuele 7:3

Na pati loa Samuele ki le fale katoa o Iselaele : Kapau kua kotou toe liliu i lokoutou loto katoa ki le Eteleno, ke kotou too i lotomalie o koutou a atua kese mo fakatata o Asetalate, ti ke pipiki okoutou loto ki le Eteleno, o tausi kiate ia toka tasi ; ti e saofaki loa e ia koutou i le lima o le kau Filisitini.