Senesi 34:7 - Tosi Tapu

⁷ Ti na toe liliu ake loa a vosa o Sakopo i faisaga, o logo ki le nea leia kua soko. Ti na mamae lasi ai a tagata ana, ti na lotou itaita veli ai, talie kua fai e Siseme se nea fakalumaluma i Iselaele, i lana momoe mo le taine o Sakopo. Talie na leaise tonu ke fai le nea lena i Iselaele.

Senesi 34:7 ပူးပေါင်းရင်းမြစ်များ

Senesi 20:9

Ti na toe kalagai foki e Apimeleke a Apalaamo, o pati kiate ia : Kolea le nea leia kua ke fai kia matou ? Kolea laku sala kua fai kiate koe ke ke tuku ai kiate au mo loku puleaga se agasala lasi fenaaki ? Kua ke fai kiate au se nea leia e leaise tonu ke fai.

Senesi 34:6

Na ano loa Amole, tamana o Siseme, kia Sakopo o masau kiate ia.

Senesi 34:8

Kae na masau loa Amole kia latou, o pati : Kua pipiki le loto o loku vosa ko Siseme ki lokoutou taine ; koia e kau kole atu ai kia koutou ke kotou soli mai a ia ke avaga mo loku vosa.

Senesi 46:7

Na ave loa e ia ki Esipito ona vosa, mo vosa o ona vosa, mo ona taineliki, mo taineliki o ona vosa, ti mo lona famili katoa.

Lua tosi a Samuele 13:21

Na logo loa le sau ko Tavite ki nea fuli ana ti na ita lasi ai.

Pesalemo 93:5

E maoki katoa au fakamaoki ; E gali mo lou fale le maokioki, Ei Eteleno ! ki le gatoaga o le malama nei.

Taagapati 7:7

Na kau tio loa i le kau valelea, Na kau fakatokagai loa i le kau tupulaga se tama sala atamai.

Selemia 29:23

Ti e soko loa le nea lena, o tupu kua la fai se nea fakalialia i Iselaele, o la tono mo avaga o ola oloi, ti mo la fakasa ni loi i loku suafa, kae na leaise kau tuku fua kia laua se fakatotonu. E kau iloa a nea ana, ti e kau fakamaoki ki ai, e pati le Eteleno.

Levitiko 4:13

Ti kapau na agasala fakafuanoa le fakatasi katoa o Iselaele o fai e ia se nea leia na tapui e se lao e tasi a le Eteleno, e agasala loa i ai le kakai katoa o Iselaele, logo ai na leaise iloa e ia.

Levitiko 4:2

Masau ki vosa o Iselaele, o ke pati : Kapau e agasala loa se tagata kae na leaise loto a ia ki ai, o fai e ia se nea leia na tapui e se lao e tasi o lao a le Eteleno, e tonu loa ke fai fakafeneeki :

Levitiko 4:27

Ti kapau ko se tagata o le kakai leia na agasala fakafuanoa, o fai e ia se nea leia na tapui e se lao a le Eteleno, o tupu ai loa lana agasala.

Uluaki tosi ki le kau Kolinto 10:8

Aua na tou fai feauaki, ofaipe le fai a ni iki o latou, o tupu ai le mate o le tino lua tupu tolu afe i se aso fai e tasi.

Uluaki tosi ki le kau Kolinto 6:18

Kotou sola mei le fai feauaki ! Ko agasala fuli ake ala e fai e se tagata, e fai i tafa o le tino ; kae ko leia e fai ia le fai feauaki e agasala a ia ki lona tino totonu.

Efeso 5:3

Ke aua na masau fua ia koutou ki le fai feauaki, mo nea fakakelekele fuli, mo le manumanu, talie e leaise gali a ia mo le kau sagato.

Tetelonome 22:20

Kae kapau e maoki le nea leia na pati ki ai le tagata, kapau na leaise maua a fakamailoga o le nofo taupoou i le fafine tupulaga,

Tetelonome 22:21

ti e ave loa le fafine ki mua o le matapa o le fale o lona tama ; ti e tuki fatui loa a ia e le kakai o lona kolo. E mate loa a ia, talie na fai e ia se nea fakalumaluma i Iselaele, o momoe a ia mo se tagata i le fale o lona tamana. E ke too loa i ai le veli i loto malie o Iselaele.

Tetelonome 23:17

Ke aua na maua loa se fafine faiaga i taineliki o Iselaele, ti ke aua na maua loa se tagata faiaga i vosa o Iselaele.

Kolose 3:5

Koia ke kotou tamate le nea leia, i okoutou koga tino, e kau ki le malama nei, le fai feauaki, mo le aga fakakelekele, mo oli fakavale, mo oli veveli, ti mo le manumanu, leia ko se tausi taulaatua.

Uluaki tosi kia Timoteo 5:13

Toe tasi ake, e lotou fakamasani loa i le fakapuli noa o lolatou temi i le ulu saele ki fale ; ti e leaise gato fua i le nofo noa, kae toe veli ake talie e lotou gutu pati mo fia ilo, o masau ki nea ala e leaise tonu ke masau ki ai.

Epelo 13:4

Kotou fakaapaapa fuli ki le nofo avaga, ti ke agatonu le taumatua, talie e fakamaaui loa e le Atua latou ala e fai feauaki mo tono.

Sakopo 3:10

Mei le gutu fuai e tasi e mapusi ai le tapuaki mo le malaia. E leaise tonu, ei oku fetaina, ke fenaaki.

Sosue 7:15

Ti ko leia na maua loa na too ia a nea ala na fakatapui, e tutu loa i le afi, a ia mo nea fuli na maua e ia, talie na maumaui e ia le fakapapau a le Eteleno, ti na fai e ia se agasala i Iselaele.

Uluaki tosi a Petelo 2:9

Kae ko koutou, ko se lanu filifiliia, ko se kau sau fai sakilifisio, ko se puleaga maokioki, ko se kakai kua totogi, o tupu ke kotou fakasa ia a naunau o leia kua kalagai ia koutou mei le fakapouli ki lona malama fulumalie,

Tuifakamaau 20:6

Na kau too loa loku avaga, ti na kau tuutuu loa a ia o fakamomoli ki faasiga fuli o Iselaele. Talie kua lotou fai se nea fakalialia mo fakalumaluma i Iselaele.