Senesi 34:5 - Tosi Tapu

⁵ Na logo loa Sakopo kua fakamatagafua e ia lona taine ko Tina ; kae na leaise fai loa e ia se nea, talie na nofo ona vosa i faisaga mo le kau manu ; ti na talitali loa a ia ke lotou toe liliu ake.

Senesi 34:5 ပူးပေါင်းရင်းမြစ်များ

Senesi 30:35

Kae i le aso fai lena na vaei kese loa e Lapane a koti tagata fuli ala na pulepule liliki mo pulepule lalasi, mo koti fafine fuli ala na pulepule liliki pe na pulepule lalasi, ti mo ovi fuli ala na fulu uli mo pulepule liliki pe pulepule lalasi. Na tuku loa e ia le kau manu lena ki ona vosa,

Senesi 34:4

Ti na pati loa Siseme ki lona tamana ko Amole : Tuku mai le taine lena ke kau avaga mo ia.

Senesi 34:6

Na ano loa Amole, tamana o Siseme, kia Sakopo o masau kiate ia.

Senesi 46:34

Pe kolea lakoutou gaoi ? Kotou tali loa kiate ia : E tausi manu au tagata fakasausau talu mei lomatou liliki o kaku mai ki le aso nei, ofaipe omatou tamana. I le nea lena e fakataga loa e ia kia koutou ke kotou nonofo i le fenua ko Koseni, talie e fakalialia le kau Esipito ki kau tausi manu fuli.

Lua tosi a Samuele 13:22

Na leaise toe masau loa Apesalone kia Amone ; kae na vesia loa a ia kiate ia talie na fakamatagafua e ia Tamale, lona tuagaane.

Pesalemo 39:9

Saofaki au i aku agatuu fuli ! Aua na ke tuku au ke kau luma i mua o le tagata valea !

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.

Luka 15:25

Kae na nofo le vosa uluaki i faisaga. I lana toe liliu mai, o fakafeofi mai loa ki le fale, na logo loa a ia ki se musika mo ni mako.

Luka 15:29

Kae na tali loa a ia ki lona tamana : Ko leinei, kua lasi ai a fetuu mo laku tausi kiate koe, o leaise kau maumaui fua i se aso au fakatotonu, kae na leaise ke soli mai fua kiate au se uviki koti e tasi ke kau fiafia ai mo oku kaukau nea.

Uluaki tosi a Samuele 10:27

Kae na i ai foki mo ni tagata agaveveli, ala na pati : Ea koia ! Ko ia loa leinei ka saofaki ia tatou ! Ti na lotou nukinuki loa kiate ia, ti na leaise lotou ave loa se nea alofa kiate ia. Kae na nea noa a ia kia Saulo.

Uluaki tosi a Samuele 16:11

Ti na pati loa Samuele kia Isaia : Pe ko le gatoaga leinei o ou vosa ? Ti na tali loa Isaia : Koi toe le mulimuli, kae e taupau e ia a ovi. Ti na pati loa Samuele kia Isaia : Kakau se tasi ke ano o afa mai a ia, talie e leaise tou kamata loa le sakilifisio kae e leikiaise tau mai a ia ki leinei.

Uluaki tosi a Samuele 17:15

kae na mavae loa Tavite meia Saulo, o toe liliu ki Peteleemi, o taupau a ovi o lona tamana.