Senesi 34:3 - Tosi Tapu

³ Ti na pipiki loa lona loto ki le taine o Sakopo ko Tina. Na mamana loa a ia ki le taine, ti na poto loa a ia i le masau ki lona loto.

Senesi 34:3 ပူးပေါင်းရင်းမြစ်များ

Senesi 34:2

Ti na tio loa kiate ia Siseme, vosa o Amole, ko le sau o le fenua. Ti na too loa e ia le taine, o momoe mo ia, ti na fakamatagafua loa e ia a ia.

Senesi 34:4

Ti na pati loa Siseme ki lona tamana ko Amole : Tuku mai le taine lena ke kau avaga mo ia.

Senesi 50:21

Koia ke aua na kotou tuania ia fua se nea ; e kau tausi loa koutou, mo okoutou famili. Ti na fakafimalie loa e ia latou i lana masau ki olatou loto.

Lua tosi a Samuele 19:7

Tuu ki aluga, ti ke ulu ki fafo, o masau ki au tagata fakasausau ! Talie e kau fakamaoki atu i le suafa o le Eteleno, kapau e leaise ke ulu loa ki fafo, e leaise toe nofo loa se tagata e toka tasi mo koe i le po leinei ; ti e toe veli oki ake loa le nea lena kiate koe i malaia fuli ala kua soko kiate koe, talu mei lou ikiiki o kaku mai ki le aso nei.

Lua tosi o Koloniko 30:22

Na masau loa a Esekiasi ki loto o le kau Levi fuli, ala na fakasa ia se atamai lasi ki le tausi o le Eteleno. Na lotou kai loa a vikitima i aso e fitu, o lotou momoli ni sakilifisio fakafetai, ti mo fakavikiviki ki le Eteleno, le Atua o olatou tamana.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Oseo 2:14

E kau maumaui loa ana faisaga vite mo ana faisaga fiki, ala e pati a ia ki ai : Ko loku totogi leinei kua soli mai e aku feauaki ! E kau fakaliliu loa a faisaga ko ni vaomatua, ti e kai loa latou e manu o le vao.

Oseo 2:16

Koia kua kau loto ai i le aso nei ke kau maselei a ia, ti ke kau taki a ia ki le toafa, ti e kau masau loa ki lona loto.

Tuifakamaau 19:3

Na tuu ake loa le tagata levita, o ano ki lona avaga, ke masau ki lona loto ti ke toe liliu mo ia. Na ano loa a ia mo lana tagata fakasausau tupulaga mo asino e lua. Na fakaulu ake loa e le fafine a ia ki le fale o lona tamana, leia na tali fakafiafia ia loa a ia, i lana tio kiate ia.

Lute 1:14

Ti na la siki ake loa ki aluga ola leo, o la toe fetagisi leo lasi loa. Na sogi loa Olipa ki lona tinana o poloaki kiate ia, kae na pipiki loa a Lute kia Naomi.

Uluaki tosi a Samuele 18:1

I le oki o le masau a Tavite kia Saulo, na pipiki loa le laumalie o Sonatane ki le laumalie o Tavite, ti na alofa loa Sonatane kiate ia ofaipe lona laumalie.