Senesi 32:9 - Tosi Tapu

⁹ Na faikole loa Sakopo, o pati : Atua o loku tamana ko Apalaamo, Atua o loku tamana ko Isaake, Eteleno leia na pati mai kiate au : Toe liliu ki lou fenua mo lou ganea tupu, ti e kau fai loa kiate koe le nea malie.

Senesi 32:9 ပူးပေါင်းရင်းမြစ်များ

Senesi 17:7

E kau fakatuu loa laku sai iate koe mo au, ti mo ou sakoga i ou muli, o mulimuli ki olatou tautupu. E lee gato loa le sai leinei, ti e fakasa e ia : ko Au ko lou Atua, ti ko le Atua o lou sakoga i ou muli.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 31:13

Ko le Atua au o Petele, le ganea leia na ke pani lolo ai se fatu fakamanatu, leia na ke fai ai se fakapapau. I le aso nei, ke ke tuu ki aluga, ti ke mavae i le fenua leinei, o toe liliu ki le fenua leia na ke tupu ai.

Senesi 31:29

E makeke feauga loku lima ke kau fai ia kiate koe se nea veli ; kae na pati mai kiate au le Atua o lokoutou tamana i le aso nanafi : Aua na ke masau loa kia Sakopo i se nea malie pe ko se nea veli !

Senesi 31:3

Koia na pati ai loa le Eteleno kia Sakopo : Toe liliu ki le fenua o ou tamana, ti mo le ganea leia na ke tupu ai, ti e kau nofo loa mo koe.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Senesi 31:53

Ke tuu le Atua o Apalaamo mo Nakole ko le tui fakamaau ia taua. Na fakapapau loa Sakopo i le suafa o le Atua leia na i ki ai Isaake.

Senesi 32:8

Talie na pati loa a ia : Kapau e au loa Esau, o tamate se tasi nofolaga, ti e feala loa ke sola le tasi nofolaga.

Senesi 49:25

Ko le gaoi a ia a le Atua o lou tamana, leia e tokoi loa kiate koe ; Ko le gaoi a ia a le Mafimafi, leia e tapuaki loa kiate koe, Ki tapuakina o le lagi i aluga, Ki tapuakina o le vai i lalo, Ki tapuakina o u mo manava o fafine.

Lua tosi o Koloniko 20:12

Ei lomatou Atua, pe leaise ke fakasoko ia loa au fakamaau kia latou ? Talie e leaise motou maua se makeke i mua o le kakai toka api lena kua saele mai kia matou, ti e leaise motou iloa se nea leia ke fai, kae e tio atu omatou mata kiate koe.

Lua tosi o Koloniko 20:6

Ti na pati loa a ia : Eteleno, Atua o omatou tamana, pe leaise ko le Atua a koe o le lagi, pe e leaise ko koe leia e pule ki puleaga fuli ? Pe e leaise ko koe leia e maua ia le makeke mo le mafimafi, talie e leaise mafai ke tuu se tasi i ou mua ?

Lua tosi o Koloniko 32:20

Na faikole loa le sau ko Esekiasi mo le polofeta ko Esaia, vosa o Amote, ki le nea lena, ti na la tagi loa ki le lagi.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Selemia 32:16

I le oki o laku tuku le pepa fakamaoki kia Paluke, vosa o Nelisa, na kau fai loa le kole leinei ki le Eteleno :

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.