Senesi 32:32 - Tosi Tapu

³² Koia leia e leaise kai ai e fanau o Iselaele o kaku mai ki aso anei le kanomate o le tega, leia e pipiki ki le sokoga o le kauaga, talie na taai e le Atua a Sakopo i le sokoga o lona kauaga.

Senesi 32:32 ပူးပေါင်းရင်းမြစ်များ

Senesi 32:25

I le tio a le tagata na leaise makeke a ia iate ia, na tai loa e ia Sakopo i le sokoga o lona kauaga ; ti na maui loa le sokoga o le kauaga o Sakopo i lana poko mo le tagata lena.

Senesi 32:31

Na sopo loa le laa, i le temi leia na fakalaka ai loa Sakopo i Peniele. Na kito Sakopo o tupu ko lona kauaga.

Senesi 33:1

Na siki ake loa e Sakopo ona mata, o tio : ko leinei, kua kaku ake Esau, mo tagata e tino lelau fa. Na vaevae loa e ia a toe ia Lea, mo Lasele, mo fafine fakasausau e toka lua.

Uluaki tosi o Sau 12:25

Na laga loa e Selopoamo a Siseme i le mauga o Efalaimi, ti na nofo loa a ia i ai ; ti na mavae loa a ia mei ai, ti na toe laga loa e ia Penuele.

Tuifakamaau 8:8

I lena, na pale loa a ia ki Penuele, ti na toe fai loa e ia le kole lena ki le kakai o Penuele. Na lotou tali loa kiate ia ofaipe le tali a le kakai o Sukoti.

Uluaki tosi a Samuele 5:5

Koia e leaise saele ai le kau pelepitelo a Takone mo latou fuli ala e ulu ki le fale tapu o Takone, i mua o le matapa o Takone i Asetoti, o kaku mai ki le aso nei.