Senesi 32:31 - Tosi Tapu

³¹ Na sopo loa le laa, i le temi leia na fakalaka ai loa Sakopo i Peniele. Na kito Sakopo o tupu ko lona kauaga.

Senesi 32:31 ပူးပေါင်းရင်းမြစ်များ

Senesi 16:13

Na pati loa Akale : Pe na kau tio maoki i leinei ki leia e tio mai kiate au ? Ti na tuku loa e ia le igoa ko Ata-Ele-Loi ki le Eteleno leia na masau kiate ia : Ko Koe ko Ele Loi, ko le Atua leia e tio kiate au.

Senesi 19:15

I le mafoa ake o le ao, na pati fakamakeke loa a aselo kia Lote ke ano la. Na la pati loa : Tuu ki aluga, too lau avaga mo ou taineliki e toka lua ala e nonofo i leinei, talie ke aua na ke mate i le maumaui o le kolo.

Senesi 19:23

Na sopo ake loa le laa ki le kele, i le ulu a Lote ki Tesoa.

Senesi 32:25

I le tio a le tagata na leaise makeke a ia iate ia, na tai loa e ia Sakopo i le sokoga o lona kauaga ; ti na maui loa le sokoga o le kauaga o Sakopo i lana poko mo le tagata lena.

Senesi 32:32

Koia leia e leaise kai ai e fanau o Iselaele o kaku mai ki aso anei le kanomate o le tega, leia e pipiki ki le sokoga o le kauaga, talie na taai e le Atua a Sakopo i le sokoga o lona kauaga.

Uluaki tosi o Sau 12:25

Na laga loa e Selopoamo a Siseme i le mauga o Efalaimi, ti na nofo loa a ia i ai ; ti na mavae loa a ia mei ai, ti na toe laga loa e ia Penuele.

Uluaki tosi o Sau 18:26

Na lotou too loa le pipi tagata leia na soli loa kia latou, o lotou teuteui loa a ia ; ti na lotou kalaga loa ki le igoa o Paale, mei le usu o kaku ki le lalatea, o pati : Paale, tali mai kia matou ! Kae na leaise logo loa ki se leo, pe tali mai loa se tasi. Ti na lotou soposopo loa i mua o le aletale leia na lotou fai.

Pesalemo 38:17

Talie e kau pati : Aua na ke fakataga ke lotou fiafia iate au, Ke lotou malaga mai kiate au, mo ka seke loku vae !

Ekesote 24:10

Na lotou tio loa ki le Atua o Iselaele ; i lalo o ona vae, na faipe se laui tiloata leia na faliki ki le safile, ti na usi ofaipe le lagi peka mea saosaoa.

Ekesote 24:11

Na leaise siki loa e le Eteleno lona lima ki fakafofoga o fanau a Iselaele. Na lotou tio loa ki le Atua, ti na lotou kai loa mo inu.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Malakia 4:2

Kae kia koutou ala e i ki loku suafa, e sopo loa Le laa o le faitotonu, Ti e nofo loa le mauli i lalo o ona kapakau. E kotou mavae loa, ti e kotou soposopo loa ofaipe ni uviki pipi o se fale manu,

Lua tosi ki le kau Kolinto 12:7

Tie talie ke aua na kau makita i le fia nealasi i nea malilie ala na fakatio au e le Atua ki ai, kua tuku e ia ki loku tino se maimoa mamae ai, ko se aselo o Satana leia ke ta ia au ti mo taofi ia au ke aua na kau fia nealasi.

Lua tosi ki le kau Kolinto 12:9

kae na pati mai a ia kiate au : e feauga loku kalasia kiate koe, talie e fakasoko loku makeke i le gaegae. Koia e kau fakakololia tafito loa i oku gaegae, o tupu ke nofo le makeke o Kilisito iate au.

Tetelonome 5:24

ti na kotou pati loa : Ko leinei kua fakatio matou e le Eteleno, lomatou Atua, ki lona kololia mo lona lasi, ti kua motou logo ki lona leo mei loto malie o le afi. I le aso nei, kua motou tio na masau le Atua ki le tagata, ti na lotou mauli.

Tetelonome 5:26

Talie ko ai leia kua logo i se aso, ofaipe matou, ki le leo o le Atua mauli leia e masau mei loto malie o le afi, ti na toe mauli ?

Tuifakamaau 6:22

Na matala loa Seteone ko le aselo o le Eteleno. Ti na pati loa Seteone : Malaia kiate au ! Aliki Eteleno ! talie kua kau tio mata ki le aselo o le Eteleno.

Tuifakamaau 6:23

Ti na pati loa le Eteleno kiate ia : Nofo i le tokamalie, aua na ke tuania se nea, talie e leaise ke mate loa.

Tuifakamaau 8:8

I lena, na pale loa a ia ki Penuele, ti na toe fai loa e ia le kole lena ki le kakai o Penuele. Na lotou tali loa kiate ia ofaipe le tali a le kakai o Sukoti.