Senesi 32:30 - Tosi Tapu

³⁰ Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

Senesi 32:30 ပူးပေါင်းရင်းမြစ်များ

Senesi 16:13

Na pati loa Akale : Pe na kau tio maoki i leinei ki leia e tio mai kiate au ? Ti na tuku loa e ia le igoa ko Ata-Ele-Loi ki le Eteleno leia na masau kiate ia : Ko Koe ko Ele Loi, ko le Atua leia e tio kiate au.

Senesi 28:19

Ti na tuku loa e ia ki le ganea lena le igoa ko Petele ; kae na igoa le kolo i mua ko Lusi.

Senesi 35:9

Na toe sa loa le Atua kia Sakopo, i lana liliu mei Patane-Alame, ti na tapuaki loa a ia kiate ia.

Uluaki tosi o Sau 12:25

Na laga loa e Selopoamo a Siseme i le mauga o Efalaimi, ti na nofo loa a ia i ai ; ti na mavae loa a ia mei ai, ti na toe laga loa e ia Penuele.

Ekesote 33:14

Na tali loa le Eteleno : E kau ano loa mo koe, ti e kau soli loa kiate koe se maloloaga.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 9:5

Talie kua tupu kia matou se toe, kua soli mai kia matou se vosa, Ti e teki loa le pule i lona tuauma ; E fakaigoa loa a ia ko Fulumalie, Tokoi, Atua mafimafi, Tamana lee gato, Aliki o le tokamalie.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Soane 1:18

Na leikiaise tio se tasi i se aso ki le Atua ; ko le Atua le Alo fuatasi, leia e nofo i le fatafata o le Tamana, ko ia leia na fakasa ia a ia.

Uluaki tosi ki le kau Kolinto 13:12

I le temi nei e tou tio nenefu ofaipe i se tiloata, kae i se aso e tou tio mata loa, le mata ki le mata ; i le aso nei e kau iloa fakakoga, kae i le aso a ia e kau iloa katoa loa ofaipe loku iloa katoa e le Atua.

Lua tosi ki le kau Kolinto 3:18

Ti ko tatou fuli ala e tio i ni mata sala pulou ki le kololia o le Aliki ofaipe i se tiloata, e tou liliu ko se paaki e tasi mo ia, mei se kololia ki se kololia, i le Laumalie o le Aliki.

Lua tosi ki le kau Kolinto 4:6

Talie ko le Atua leia na pati, ke mu le malama i le fakapouli ! ti kua fakamu le malama lena i otatou loto ke fakagigila ai le iloa o le kololia o le Atua i mata o Kilisito.

Kalate 1:6

E kau punamauli i lakoutou titua vave ai ki leia na kalagai ia koutou i le kalasia o Kilisito, o fakalaka ki se tasi ake Evaselio.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Tetelonome 34:10

Na leaise toe sa loa i Iselaele se polofeta ofaipe Moisese, leia na masau mo le Eteleno, o tio le mata ki le mata.

Tetelonome 5:24

ti na kotou pati loa : Ko leinei kua fakatio matou e le Eteleno, lomatou Atua, ki lona kololia mo lona lasi, ti kua motou logo ki lona leo mei loto malie o le afi. I le aso nei, kua motou tio na masau le Atua ki le tagata, ti na lotou mauli.

Kolose 1:15

Ko le Alo ko le paaki a ia o le Atua leia e leaise tou tio mata ki ai, ko le uluaki tupu a ia o nea fuli kua fakatupu.

Lua tosi kia Timoteo 1:10

Kua fakasa le kalasia lena i le temi nei i le sa mai o lotatou Fakamauli ko Sesu-Kilisito, leia kua fakagato ia le makeke o le mate ti kua fakasa ia ki le malama le mauli mo le lee mate i le Evaselio.

Epelo 11:27

Ko le tui leia na mavae ai loa a ia mei Esipito, o leaise i fua a ia ki le ita o le sau ; talie na tuu makeke loa a ia, o sakinake na tio a ia ki leia na leaise tio ki ai a mata.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?

Tuifakamaau 13:17

Ti na pati loa Manoa ki le aselo o le Eteleno : Ko ai lou igoa, ke ma fakakololia kiate koe i le aso leia e soko ai loa lau pati ?

Tuifakamaau 13:18

Na tali loa le aselo o le Eteleno kiate ia : Kolea e ke vesili mai ai loku igoa ? Ko se misitelio a ia.

Tuifakamaau 8:17

Na soloi foki e ia le tule o le kolo ko Penuele, ti na tamate loa e ia le kakai fuli o le kolo.

Tuifakamaau 8:8

I lena, na pale loa a ia ki Penuele, ti na toe fai loa e ia le kole lena ki le kakai o Penuele. Na lotou tali loa kiate ia ofaipe le tali a le kakai o Sukoti.