Senesi 32:29 - Tosi Tapu

²⁹ Ti na vesili loa Sakopo kiate ia : E kau kole atu kiate koe, fakasa mai kiate au lou igoa. Na tali loa le tagata : Kolea e ke afa mai ai loku igoa ? Ti na tapuaki loa a ia kia Sakopo i le ganea lena.

Senesi 32:29 ပူးပေါင်းရင်းမြစ်များ

Senesi 17:5

E leaise toe igoa loa a koe ko Apalamo ; kae e ke igoa loa ko Apalaamo, talie e kau fakaliliu loa a koe ko le tamana o ni puleaga mauke.

Senesi 35:10

Ti na pati loa le Atua kiate ia : Ko lou igoa ko Sakopo. E leaise toe igoa loa a koe ko Sakopo, kae e igoa loa a koe ko Iselaele. Ti na soli loa e le Atua kiate ia le igoa ko Iselaele.

Senesi 35:9

Na toe sa loa le Atua kia Sakopo, i lana liliu mei Patane-Alame, ti na tapuaki loa a ia kiate ia.

Uluaki tosi o Sau 18:31

Na too loa e ia a fatu e kau agafulu tupu lua, o mulimuli ki le api o faasiga o vosa o Sakopo, ala na pati loa ki ai le Eteleno : Ko lou igoa ko Iselaele ;

Lua tosi o Sau 17:34

I le aso nei, koi lotou muli aifai ki alatou agai fenua masani : e leaise lotou i fua ki le Eteleno, ti e leaise lotou muli fua ki alatou lao mo alatou fakatuutuu, ti toe tatau ki le lao mo fakatotonu ala na tuku e le Eteleno ki fanau a Sakopo leia na fakaigoa loa e ia ko Iselaele.

Uluaki tosi o Koloniko 1:34

Na tupu loa meia Apalaamo a Isaake. Ko vosa o Isaake : Ko Esau mo Iselaele.

Sopo 11:7

Pe feala ke ke ului a manatu loloto a le Atua, mo ke kaku o iloa le lasi o lona Mafimafi ?

Taagapati 30:4

Ko ai na pale ki le atu lagi, ti ko ai na ifo mei ai ? Ko ai na tanaki ia le matagi i lona lima ? Ko ai na fakamaopoopo ia a atu vai i lona kofu ? Ko ai na fakatuu ia a potupotu o le malama nei ? Ko ai lona igoa, ti ko ai le igoa o lona vosa ? Pe ke iloa a ia ?

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Oseo 6:1

Kotou au, tou toe liliu ki le Eteleno ! Talie na saei e ia, kae e fakamauli loa e ia tatou ; Na taai e ia, kae e sai loa e ia otou lavea.

Numelo 20:14

Mei Katesi, na kakau loa e Moisese ni tagata avelogo ki le sau o Etome, o pati kiate ia : Ko leinei le masau o lou taina ko Iselaele : E ke iloa a mamae fuli ala na motou felavei ia.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Tetelonome 29:29

Ko nea ala koi munia a le Eteleno, lotatou Atua ; ko nea ala kua fakasa a tatou mo tou fanau, o lee gato, o tupu ke tou fai a folafola fuli o le lao leinei.