Senesi 32:28 - Tosi Tapu

²⁸ Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Senesi 32:28 ပူးပေါင်းရင်းမြစ်များ

Senesi 17:15

Na pati loa le Atua kia Apalaamo : Aua na ke toe soli loa kia Salai lou avaga, le igoa ko Salai ; kae e igoa loa a ia ko Sala.

Senesi 17:5

E leaise toe igoa loa a koe ko Apalamo ; kae e ke igoa loa ko Apalaamo, talie e kau fakaliliu loa a koe ko le tamana o ni puleaga mauke.

Senesi 25:31

Na pati loa Sakopo : Ke ke fakatau mai kiate au i le aso nei lau pule o le vosa uluaki.

Senesi 31:24

Kae na sa loa le Atua i le pouli i se moe miti kia Lapane, le tagata Alame, o pati kiate ia : Aua na ke masau loa kia Sakopo i se nea malie pe ko se nea veli !

Senesi 32:24

Na nofo toka tasi loa Sakopo. Ti na fepoko loa se tagata mo ia o kaku ki le mafoata.

Senesi 32:27

Ti na pati loa le tagata kiate ia : Ko ai lou igoa ? Ti na tali loa a ia : Ko Sakopo.

Senesi 33:20

Ti na fakatuu loa e ia se aletale i le ganea lena, o soli loa e ia ki ai le igoa ko Ele-Eloe-Isalaele : Atua, ko le Atua o Iselaele.

Senesi 33:4

Na makape loa Esau o fakafelavei kiate ia ; ti na folasi loa e ia ona lima kia Sakopo, o fui lona ua mo sogi kiate ia. Ti na la fetagisi loa.

Senesi 35:10

Ti na pati loa le Atua kiate ia : Ko lou igoa ko Sakopo. E leaise toe igoa loa a koe ko Sakopo, kae e igoa loa a koe ko Iselaele. Ti na soli loa e le Atua kiate ia le igoa ko Iselaele.

Lua tosi a Samuele 12:25

Na tuku loa e ia le toe ki lima o le polofeta ko Natane, ti na tuku loa e Natane kiate ia le igoa ko Setitesa, o tupu ko le Eteleno.

Uluaki tosi o Sau 18:31

Na too loa e ia a fatu e kau agafulu tupu lua, o mulimuli ki le api o faasiga o vosa o Sakopo, ala na pati loa ki ai le Eteleno : Ko lou igoa ko Iselaele ;

Lua tosi o Sau 17:34

I le aso nei, koi lotou muli aifai ki alatou agai fenua masani : e leaise lotou i fua ki le Eteleno, ti e leaise lotou muli fua ki alatou lao mo alatou fakatuutuu, ti toe tatau ki le lao mo fakatotonu ala na tuku e le Eteleno ki fanau a Sakopo leia na fakaigoa loa e ia ko Iselaele.

Uluaki tosi o Koloniko 1:34

Na tupu loa meia Apalaamo a Isaake. Ko vosa o Isaake : Ko Esau mo Iselaele.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Esaia 43:1

I le aso nei, ko leinei le folafola a le Eteleno, leia na fakatupu ia a koe, Sakopo ! Leia na fau ia a koe, Iselaele ! Aua na ke i ki se nea, talie e kau toe totogi a koe, E kau kalagai a koe i lou igoa totonu : a aku a koe !

Esaia 65:15

E kotou tuku loa okoutou igoa ko se takuga malaia ki aku kau filifiliia ; E fakamamate loa koutou e le Aliki, le Eteleno, Kae soli loa e ia ki ana tagata fakasausau se igoa foou.

Numelo 13:16

Ko igoa ana o le kau tagata leia na kakau e Moisese ke ano o tioi le fenua o Kanaane. Na tuku loa e Moisese kia Ose, vosa o Nune, le igoa ko Sosue.

Soane 1:42

Ti na taki loa e ia a ia kia Sesu. I le tio a Sesu kiate ia, na pati loa a ia : Ko koe ko Simone, vosa o Sonasi, e fakaigoa loa a koe ko Kefasi (ko lona uiga ko Petelo, fa fatu).

Apokalipisi 2:17

Ko leia e maua ia ni taliga ke logo a ia ki le nea leia e fakasa e le Laumalie ki atu Ekelesia : Ki leia e malo loa e kau soli loa kiate ia le mane fakapulipuli, ti e kau soli loa kiate ia se fa fatu tea ; ti e tosi loa se igoa foou i le fa fatu lena, leia e leaise iloa e se tasi, gato fai ki leia e tali ia le igoa lena.

Uluaki tosi a Samuele 26:25

Na pati loa Saulo kia Tavite : Ke tapuakina a koe, ei loku vosa ko Tavite ! E manuia loa au gaoi. Na soko atu loa e Tavite lona ala, ti na toe liliu loa Saulo ki lona kaiga