Senesi 32:26 - Tosi Tapu

²⁶ Ti na pati loa le tagata : Tuku mai au ke kau ano, talie kua malama le mafoata. Na tali loa Sakopo : E leaise kau tuku loa a koe ke ke ano, kae e leikiaise ke tapuaki mai kiate au.

Senesi 32:26 ပူးပေါင်းရင်းမြစ်များ

Senesi 32:25

I le tio a le tagata na leaise makeke a ia iate ia, na tai loa e ia Sakopo i le sokoga o lona kauaga ; ti na maui loa le sokoga o le kauaga o Sakopo i lana poko mo le tagata lena.

Senesi 32:27

Ti na pati loa le tagata kiate ia : Ko ai lou igoa ? Ti na tali loa a ia : Ko Sakopo.

Uluaki tosi o Koloniko 4:10

Na tagi loa Saepete ki le Atua o Iselaele, o pati : Kapau e ke tapuaki mai loa kiate au, mo ke fakalaulasi loa oku koiga, kapau e kau loa lou lima mo au, ti kapau e ke puipui loa au mei le malaia ke aua na kau nofo i le mamae !… Ti na tali loa e le Atua le nea leia na kole e ia.

Pesalemo 67:1

Ki le pule o le kau sua. Mo nea faimusika va. Pesalemo. Katiko.

Ekesote 32:10

I le lakaga nei, aua na ke taofi au ; e mu loa loku sausau kia latou, ti e kau fakapuli loa latou ; kae e kau fakaliliu loa a koe ko se puleaga lasi.

Katiko o Katiko 3:4

Na kau fakasili atu fai ia latou, Ti na kau maua leia e alofa ki ai loku loto ; Na kau kukumi a ia, ti na leaise kau toe tuku ake a ia O kaku ki laku fakaulu a ia ki le fale o loku tinana, Ki le kogafale o leia na fanaui ia au.

Katiko o Katiko 7:5

Ko lou ua ko se tule lei ; Ki ou mata e faipe vai tanaki o Eseponi, I tafa o le matapa o Pate-Lapimi ; Ko lou isu e faipe le tule o Lipane, Leia e tio ki le fetuu o Tamaso.

Esaia 45:11

Ko leinei le folafola a le Eteleno, le Sagato o Iselaele, leia na fakatupu ia a ia : Pe kotou loto ke fakavesilii au o uiga mo le temi ka au, Ke tuku mai kiate au ni fakatotonu o uiga mo aku fanau, ti mo le gaoiaga o oku lima ?

Esaia 64:7

Kae, ei Eteleno, ko koe ko lomatou tamana ; Ko matou ko le kele kula, ti ko koe leia na fau ia matou, Ko matou fuli ko le gaoiaga o ou lima.

Oseo 12:4

I le manava o le tinana na kukumi loa e Sakopo le mulivae o lona taina, Ti na poko loa a ia mo le Atua i le temi o lona makeke.

Loma 8:37

Kae i nea fuli ana, e motou malo lasi i leia e alofa kia tatou.

Uluaki tosi ki le kau Kolinto 15:58

Koia, ei oku fetaina alofaina, ke kotou tuu makeke, lee taugaoi, o gaoi ke asilisili malie ki le Aliki, o kotou iloa e leaise ano noa akoutou gaoi i le Aliki.

Tetelonome 9:14

Tuku ke kau maumaui latou mo soloi lolatou igoa i lalo o le lagi ; ti e kau fai loa meiate koe se puleaga leia e makeke ake mo api ake i le kakai lena.

Epelo 5:7

Ko ia leia, i aso o lona kanofi, na momoli ia ni su mo ni kole o fakatasi mo ni tagi makeke ti mo ni loimata ki leia na mafai ke fakamauli ia a ia mei le mate ; ti na tali a ia o tupu ko lona fakalogo ki le Atua.