Senesi 32:20 - Tosi Tapu

²⁰ Ti e kotou toe pati loa : Ko leinei lau tagata fakasausau ko Sakopo e au i omatou muli. Talie na pati loa Sakopo : E kau fakafimalie loa lona loto ki le moliga lena e ave i oku mua. Ti ka kau tio loa ki ona mata, e lagi tali malie loa e ia au.

Senesi 32:20 ပူးပေါင်းရင်းမြစ်များ

Senesi 32:19

Na toe tuku loa e ia le fakatotonu lena ki le lua, mo le tolu, ti mo latou fuli ala na muli i kau manu : Ko lena le nea leia e tonu ke kotou fakasa kia Esau mo ka kotou felavei loa mo ia.

Senesi 32:21

Ti na fakamuamua loa e ia le moliga ; kae na nofo loa a ia i le po lena i le nofolaga.

Senesi 43:11

Na pati loa lolatou tamana ko Iselaele kia latou : Ko lena e maua ke felaaki, ke kotou fai loa le nea leinei : Kotou fafao loa ki akoutou taga ni fua malilie o le fenua, ke kotou fai ai se moliga ki le tagata lena : kotou too ni kaloni, mo se meli, mo ni nea fakamanogi, mo se mila, mo ni fuai pinati, ti mo ni fuai amatie.

Uluaki tosi o Sau 20:31

Na pati loa ana tagata fakasausau kiate ia : Ko leinei, kua motou logo e manava alofa a sau o le fale o Iselaele ; e motou tui loa ni taga ki omatou kuaga mo ni maea i omatou ua, ti e motou ano loa ki le sau o Iselaele : E lagi tuku loa e ia a koe ke mauli.

Taagapati 15:18

E fakatupu e se tagata itaita ni fefele, Kae ko le tagata kataki e lolomi ia ni felega.

Taagapati 16:14

Ko le ita o le sau ko se tagata avelogo o le mate, Ti e tonu ke fakafimalie lona loto e se tagata poto.

Taagapati 18:16

Ko nea alofa a se tagata e fakalaulasi ia le ala kiate ia, Ti e fakamavaa ia kiate ia le ala ki tafa o le kau lalasi.

Taagapati 21:14

Ko se nea alofa leia e fai fakafufu e fakafimalie ia le ita, Ti ko se moliga leia e fai fakafufu e fakafimalie ia le ita veli.

Taagapati 6:35

E leaise toe tali e ia se totogi, Ti e leaise toe peluki a ia, mo ka ke liuliuga foki ou moliga.

Sonasi 3:9

Ko ai e iloa ia, pe leaise toe tafoki loa le Atua o fakasemala, ti mo fakafiti loa a ia ki lona sausau lasi, ti e feala loa ke aua na tou mamate ?

Lua tosi kia Timoteo 2:25

e tonu ke fakatonutonu e ia i le agamalu latou ala e agatuu, na saga e soli loa e le Atua kia latou le fakasemala ke lotou tui ai ki le maoki,

Uluaki tosi a Samuele 6:5

Kotou fai ni fakatata o okoutou masaki mo ni fakatata o okoutou kimoa ala e maumaui ia le fenua, ti ke kotou tuku le fakakololia ki le Atua o Iselaele : E lagi fakamaamaa loa e ia lona lima kia koutou, mo okoutou atua, mo lokoutou fenua.