Senesi 32:10 - Tosi Tapu

¹⁰ Eteleno, e leaise kau gali mo kalasia fuli ala na ke tuku mai kiate au, mo lou agatonu katoa kiate au ko lau tagata fakasausau ; talie na kau fakalaka i le Solotane leinei mo loku tokotoko, ti ko leinei kua kau nofo mo ni nofolaga e lua i le aso nei.

Senesi 32:10 ပူးပေါင်းရင်းမြစ်များ

Senesi 18:27

Na toe masau loa Apalaamo, o pati : Ke ke fakamalie mai kiate au leinei kua toa i le masau atu kiate koe, Aliki, a au leinei ko le ga efu noa ti ko le ga mugalafu noa.

Senesi 24:12

Ti na pati loa a ia : Eteleno, Atua o loku aliki ko Apalaamo, e kau kole atu kiate koe ke ke alofa o fakafelavei au i le aso nei mo leia e kau loto ki ai. Ti e ke fakasa loa i ai lou alofa ki lau tagata fakasausau ko Apalaamo !

Senesi 24:27

o pati : E kau fakafetai ki le Eteleno, ko le Atua o loku aliki ko Apalaamo, talie kua fakasa mai e ia lona alofa mo lona agatonu ki loku aliki ! Kua taki e le Eteleno loku fanoga ke kau kaku totonu ki le fale o fetaina o loku aliki.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 28:15

Ko leinei, e kau nofo mo koe, e kau taupau loa a koe i ganea fuli ala e ke ano loa ki ai, ti e kau toe aumai loa a koe ki le fenua leinei ; talie e leaise kau tiaki noa loa a koe, kae kau fakasoko loa a nea fuli ala na kau fakapapau atu kiate koe.

Senesi 30:43

Na asilisili mou koloa loa le tagata lena : Na lasi loa ana kau ovi, mo ana kau koti, mo ana fafine fakasausau, mo ana tagata fakasausau, mo ana kau kamelo, ti mo ana kau asino.

Senesi 31:3

Koia na pati ai loa le Eteleno kia Sakopo : Toe liliu ki le fenua o ou tamana, ti mo le ganea leia na ke tupu ai, ti e kau nofo loa mo koe.

Senesi 32:5

Kua kau maua ni aku kau pipi, mo ni kau asino, mo ni kau ovi, mo ni kau tagata fakasausau, mo ni kau fafine fakasausau ; ti e kau kakau atu kiate koe ni tagata avelogo ke fakasa ki loku aliki le nea lena, o tupu ke ke tali malie lau tagata fakasausau.

Senesi 32:7

Na i loa Sakopo, o mamae lasi ai. Na vaelua loa e ia le kakai leia na nofo mo ia, mo ovi, mo pipi, mo kamelo, i ni nofolaga e lua.

Lua tosi a Samuele 17:24

Na kaku loa Tavite ki Maanaimi. Ti na fakalaka loa Apesalone i le solotane, a ia mo tagata fuli o Iselaele ala na nonofo mo ia.

Lua tosi a Samuele 7:18

Ti na ano loa le sau ko Tavite o nofo i mua o le Eteleno, o pati : Ko ai au, ei Aliki Eteleno ? ti kolea loku fale, kua ke fakakaku mai ai au ki le tuulaga e kau nofo ai nei ?

Sopo 17:9

Kae e tuu makeke aifai le tagata agatonu i lona ala, ti e asilisili lotomakeke leia e mea ona lima.

Sopo 8:7

E fai loa lou mauli uluaki pe se nea noa i lou mauli foou. E lasi ake loa lou manuia foou i lou manuia afea.

Pesalemo 16:2

E kau pati ki le Eteleno : Ko loku Aliki a koe, Ko loku koloa lasi a koe !

Pesalemo 18:35

E fakamakeke e ia oku lima ki le tau, Ti e fafao e oku lima le kalolo sila.

Pesalemo 61:7

Ke ke fakalasi a aso o le sau ; Ke tologa ona fetuu i tautupu mo tautupu !

Pesalemo 8:5

Kolea le tagata ke ke manatu ai kiate ia ? Ti mo le vosa o le tagata ke ke tokaga ai kiate ia ?

Pesalemo 84:7

Ka lotou ano i le toafa o Paka, E lotou fakaliliu a ia ko se ganea e apele i matapuna vai, Ti e fakaapele foki a ia e le ua ki ni tapuakina.

Pesalemo 85:10

Io, e ofi lona fakamauli kia latou ala e i kiate ia, O tupu ke nofo le kololia i lotatou fenua.

Taagapati 4:18

Ko le ala o le kau agatonu e faipe le malama gigila, Leia e asilisili gigila lona malama o kaku ki le loto malie o le aso.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Luka 17:10

Ko koutou foki, ka kua kotou fai loa a nea fuli ala na fakatotonu atu kia koutou, ti kotou pati : Ko ni tagata fakasausau lee aoga matou, kua motou fai le nea leia na tonu ke motou fai.

Luka 5:8

I le tio a Simone Petelo ki le nea lena, na tutuli loa a ia o punou ki le kele i mua o Sesu, o pati : Aliki, fakamamao atu iate au, talie ko au ko se tagata agasala,

Lua tosi ki le kau Kolinto 12:11

Kua kau valea : Na kotou eke au ke kau fenaaki. Ko kotou ala na tonu ke puipui ia au, talie na leaise kau taulalo fua i se nea i apositolo lalasi, logo ai e leai soku uiga.

Tetelonome 8:18

Ke ke manatui le Eteleno, lou Atua, talie ko ia leia e soli ia loa kiate koe le makeke ke fakatupu ai a koloa ana, o tupu ke fakamaoki ai, ofaipe lana fai i le aso nei, lana fakapapau leia na fai ki ou tamana.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.